درۆشم و هێما و ئاڵایا پارتی دیموکراتی کوردستان
ئازادی . دیموکراسی . دادپەروەری
ئالایێ پارتی دیموکراتی کوردستان
نەخشەساز: حوسێن حەیدەر

ئاڵایێ پارتی ب شێوەیەکێ سەرەکی پێکدهێت ژ هەر ئێك ژ پیتێن (PDK) کو ئاماژەنە بۆ پیتێن سەرەتای ناڤێ پارتی ب ڕێنڤیسا کوردیا لاتینی (PARTIYA DEMOKRATA KURDISTANE) ب ڕەنگێن زەر و سوور کو ل سەر شێوەیێ بازنەیەکێ هاتینە کێشان.

تایبەمەندیێن گرنگ یێن ئالایێ:
ڕەنگێ زەر: هێمایێ تیشکا ڕۆژێ یە، ژێدەرێ ژیانێ، گەرمی و وزەیێ یە، هەر ئەڤە ڕەنگێ پارتی یە هەر ژ سەرەتا دامەزراندنا وێ و هەتا نها.

رەنگێ سوور: هێمایێ خوینا شەهیدێن کوردستانێ یە.

پیتێن : (PDK) مەبەست ژ نەخشەکرنا پیتا،(d) ب بچووککرنا پیتا (بچووکری) بۆ ئینانا جوانکارییەکا دیتنێ د ناڤبەرا پیتان دا (P) و (K) و ب شێوەیەکێ تایبەت ژی بۆ بئێکڤەگرێدانا هەردوو ئێك پیتن (P) و (D) ب شێوەیەکێ وەسا دەربکەڤیت کو هەردوو و وەکی ئێکن یان وەک دەرکەڤتنا خودیکێ یە. هەروەسا بۆ دروستکرنا پەیوەندییەکێ د ناڤبەرا پەیڤێن (DEMOKRATA) و (KURDISTANE) کو وە لێ بکەتن کو د شێوە (ناڤەرۆک) دا لێك نەهێنە ڤە جوداکرن، هەروەسا هەردوو پیتێن d و K وەسا هاتینە دروستکرن کو ستوونا (قووم/هێلا ستوونی) وان هەڤبەش بیت.

قەلغان (شێر/تەرێز): هێمایێ وێرەکی و چیایێن سەرسەخت (سەرکێش) یێن کوردستانێ یە. قەلغان ب درێژاهیا دیرۆکا پڕ جۆشا کوردان، پارێزەرێ نەتەوا کورد بوویە ژ نەمانێ.

هێمایێ پارتی دیموکراتی کوردستان

نەخشەساز: جەمال بەختیار

هێمایێ پارتی دیموکراتی کوردستان ژ دوو بازنان پێکدهێت، بازنەیا دەرڤە و بازنەیا ناڤخوە کو ڕۆژەکا گەش ل خۆ دگریت، دگەل چل و شەش تیشکان کو هێمایە بۆ سالا 1946، کو تێدا پارتی هاتیە دامەزرادن. د ناڤەراستا ڕۆژێ دا بازەک تێدایە کو سەربەرزانە ڕاوێستایە. ل سەرێ درۆشمی و د ناڤبەرا چوارچووڤێ هەردوو بازنان دا، ناڤێ پارتی هاتیە نڤێسین. ل بنێ باز، ب پیتێن سەرەتای (Kurdistan Democratic Party-KDP) هاتینە نڤێسین. ل ژێریا چارچۆڤێ بازنەیا ناڤخوە یا درۆشم ب دوو گولێن گەنمێن ئکدووبڕ هاتیە تمامکرن. ل ژێر ڕۆژێ و بۆشایا ناڤبەرا چارچۆڤێ هەردوو بازنان دا (PARTIYA DEMOKRATA KURDISTANE) رێنووسا لاتینی هاتیە نڤێسین. هەموو درۆشم ژی ل سەر رەهەندەکێ سپی هاتیە کێشان کو هێمایێ پاکی و ئاشتی و ئازادی و هەماهەنگی یە.

رەنگ و رامانێن وان:

بازنەیا دەرڤە (سوور):

هێمایێ خوینا شەهیدێن کوردستانێ و خەباتا بەردەوامە ل پێناڤ دەستڤەئینانا ئازادی و سەرفرازییا کوردستانێ دا.

بازنەیا ناڤخۆ (سەوز):

دەربڕینێ ژ جوانی و گوندێن کوردستانێ دکەت.

ڕۆژ (زەر): نیشانا ژێدەرێ ژیان و ڕووناهیێ یە.

باز: هێمایێ ئازادی، جۆامێری، شانازی، دان ب خۆداگرتن و هەدارێ یە.

گولێن گەنمی: هێمایە بۆ کشتوکاڵا کوردستانێ، ژێدەرێن دەولەمەند یێن ئاخا وێ.

ب شێوەیەکێ گشتی، ڕەنگێن درۆشمی، دەربڕینێ ژ ڕەنگێن ئالایێ پیرۆزێ کوردستانێ دکەن