رۆژا ئێكشەمبی رێكەفتی3/8/2025ێ ب ئامادەبوونا بەرێزان”رێبەر ئەحمەد”نوێنەرێ سەرۆک وەزیرێن حكومەتا هەرێما كوردستانێ و سەربەست لەزگین ئەندامێ مەكتەبا سیاسی و بەرپرسێ مەكتەبا رێكخستنا پارێزگەها دهـۆكێ و نەوزاد هادی بەرپرسێ مەكتەبا رێكخستنا پارێزگەها میسل و هاریكارێن هەردوو مەكتەبا و د.عەلی تەتەر پارێزگارێ دهـۆكێ و بەرپرسێن لقێن پارتی و بەرپرسێن یێكەیێن ئیداری و لەشكەری و نوێنەرێ میرێ ئێزدیان و كەسایەتیێن ئولی و جڤاكی و هەژمارەكا كچە ڕزگاربویێن ئێزدی یازدەهەمین ساڵڤەگەڕا جینۆسایدا ئیزدیان هاتە ساخكرن ل هۆڵا كۆنفڕانسان ل باژێرێ دهـوكێ.

یانزدە سال بەریا نها رێكخراوا تیرورستێن داعشێ ب درندەترین شێوە هێرشی خوشك و برایێن كوردێن ئێزدی كر و دڤێ هێرشا هوڤانەدا چەكدارێن داعشێ ب هزاران هەڤوەلاتێن بێ گونەهـ كومەلكوژ و بێ سەروشوین كرن و ب هەزاران كچێن كوردێن ئێزدی ژی هاتنە رەڤاندن ، كارەستا شنگالێ خەما هەمی گەلێ كوردە و ناهێتە ژبیركرن ئەوا ل شنگالێ هاتیە رویدان ب هەمی پیڤەرێن یاسایی و نێڤدەولەتی جینۆساید بۆ.