رۆژا چارشەمبی رێكەفتی30/7/2025ێ ل بارەگایێ مەكتەبا رێكخستنا پارتی ل پارێزگەها دهـوكێ رێزدار”مەسرور بارزانی”سەرۆكێ حكومەتا هەڕێما كوردستانێ برێكا نوێنەرێ خۆ و درێورسمەكێ هەژی دا سەرۆك و دەستەیا كارگێری و یاریزانێن هەردوو یانەیێن دهـۆک و زاخۆ خەڵاتكرن بهـەڵكەفتا بدەستڤەئینانا وان ئەنجامێن باش یێن ڤێ دوماهیێ هەردوو یانەیان بدەستخۆڤە هێنای.

ئەڤ رێورسمە ب ئامادەبوونا بەرێزان”سەربەست لەزگین”بەپرسێ مەكتەبا ڕێكخستنا پارێزگەها دهـۆکێ و عیسا ئەحمەد نوێنەرێ سەرۆك وەزیران و د.عەلی تەتەر پارێزگارێ دهـۆكێ و گوهداڕ شێخۆ سەرپەرشتیارێ ئێدارا سەربەخۆیا زاخۆ و ئاریان سەڵاحەدین بریكارێ وەزارەتا وەڕزش و ڵاوان و هەرسێ هاریكارێن مەكتەبا رێكخستنێ برێڤەچوون.

هەروەسا بەرێز”سەربەست لەزگین” بناڤێ مەكتەبا ڕێكخستنا پارێزگەها دهـۆکێ و ئیداڕا سەربەخۆیا زاخۆ سۆپاسیا جەنابێ سەرۆك وەزیران كر كو ل سەر ئاستێ هەرێما كوردستانێ درێغی نەكریە ژ بۆ سەركەفتنا كەرتێ وەرزشێ و گوت: ئەف پێشڤەچوونە و هەروەسا ئەو دەستكەفتێن یانەیێن كوردستانێ ب تایبەت یانەیێن دهـۆک و زاخۆ بدەستخۆڤە دهینن بەرهەمێ پشتەڤانیا بەردەواما سەرۆك وەزیران و كابینەیا نەهـێ یا حكومەتا هەڕێما كوردستانێ یە.