ئەڤرۆ دووشەمبی، 12/1/2026ێ
بەرێز (سەربەست لەزگین)، ئەندامێ مەكتەبا سیاسی و بەرپرسێ مەكتەبا ڕێكخستنا پارێزگەها دهۆكێ، ل بارەگایێ مەكتەبێ پێشوازی ل هەڤال (قادر قاچاخ) بەرپرسێ پەیمانگەها کادران و مامۆستا و قوتابیێن خولا بیستێ یا پەیمانگەها ناڤبری کر.
د دیدارەکێ دا بەرێز سەربەست لەزگین زێدەباری بخێرهاتنا شاندێ مێڤان، پەیڤەک پێشکەشکر و تێدا ئاماژە ب وێ چەندێ کر کو پەیمانگەها پێگەهاندنا كادران ناڤەندەكا گرنگا پەروەردە و فێركرنێ یە و شیایە دەرچوویێن خۆ ب چەكێ زانین و زانستی ڕەوشەنبیر و پەروەردەبکەت، دا کو بشێن ڕۆلەکێ کارا دناڤ جەماوەری دا ببینن.
هەر د بەردەوامیا ئاخفتنا خۆدا، بەرپرسێ مەکتەبا ڕێکخستنێ ڕۆلێ پەیمانگەها پێگەهاندنا كادیران بلند نرخاند و گۆت: پەیمانگەها پێگەهاندنا کادران شیایە ب دەهان کادرێن پێشکەفتی و سەركردەیێن لێهاتی پێبگەهینیت، و هیڤی خواست کو دەرچوویێن خولا بیستێ ژی ببنە نموونەیەکا گەش و كار بۆ سەركەفتنا كوردستانێ و پاراستنا بنەمایێن ڕێبازا پیرۆزا پارتی و بارزانی د پاشەرۆژێ دا بكەن.
