ب ناڤێ خودایێ مەزن و دلۆڤان
وەک کارڤەدانەک بەرەمبەر وان ڕووداوێن د چەند ڕۆژێن دەربازبووی دا، ل باژێڕێ حەلەبێ ڕووداین، مخابن ل هندەک دەزگەهێن راگەهاندنێ و سۆشیاڵ میدیایێ و ناڤەندێن دی، هەڵمەتەک دژی وان وەلاتییێن عەرەبێن سوری یێن ل کوردستانێ دژین بڕێڤەدچیت.
ئەڤ جۆرە هەڵمەت و ڕەفتارە نە د جهێ خۆدانە و ب چ ڕەنگان دگەل پرەنسیپ و بهایێن گەلێ کوردستانێ ناگونجن، و دژی سیاسەت و دیتنا گشتى یا دامودەزگەهێن هەرێما کوردستانێ نە.
د ڕاستی دا، نابیت گۆننەھ و تاوانێن هندەک کەسان بێخنە سەر ملێن کەسێن دی، یێن کو چ پەیوەندی ب وێ تاوانێ ڤە نەبووی. دڤێت ڕێز ل وان پەنابەر و وەلاتییێن عەرەبێن سوری، یێن کو پەنا ئیناینە بەر هەرێما کوردستانێ و ل ڤێرێ دژین بھێتەگرتن.
پێدڤییە دووماهی ب ڤێ هەڵمەتا نەدجهێ خۆ بهێت، و لایەنێن پەیوەندیدار ڕێگریێ ل دووبارەبوونا ڤان جۆرە ڕەفتاران بکەن.
مەسعوود بارزانی
12ێ کانوونا دویێ 20
