ئەڤرۆ، بەڕێز “سەربەست لەزگین”، ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستان ل پارێزگەھا دھۆکێ، ل بارەگایێ مەکتەبێ پێشوازی ل شاندەکێ بلند یێ زانایێن ئایینی و ڕێڤەبەرێن ئەوقافێ ل پارێزگەھێ کر.
شاندێ مێڤان ژ ڤان کەسایەتیێن ئایینی و کارگێڕی پێکھاتبوو:
د. مەلا جیھاد حەسەن ئیبراھیم: سەرۆکێ ئێکەتیا زانایێن ئایینێ ئیسلامێ / تایێ دھۆک.
قەشە (خوری فیلیبۆس داود فیلیبس): زانایێ ئایینی یێ مەسیحییان ل کەنیسا ڕۆژھەلات یا ئاشوریان ل دھۆکێ.
مسافر ڕەشۆ سەمیر: مجێور و ئۆلدارێ ئێزدیان ل دێرەبوونێ.
مەلا سەرمەد ئالیخان: ڕێڤەبەرێ ئەوقافا قەزا دھۆکێ.
مەعن شلێمۆن میخۆ: ڕێڤەبەرێ ئەوقافا کاروبارێن مەسیحیان ل دھۆکێ.
جەعفەر سمۆ: ڕبڤەبەرێ ئەوقافا کاروبارێن ئێزدیان.
د دیدارەکێ دا، بەڕێز سەربەست لەزگین زێدەباری بخێرھاتنا شاندێ میڤان، ب بایەخەکێ مەزن بەحسێ ڕۆڵێ مێژوویی و کاریگەریێ زانایێن ئایینی یێن ھەموو پێکھاتەیان کر و دوپات کر کو زانایێن ئایینی ستوونەکا سەرەکینە د خورتکرنا گیانێ پێکڤەژیانا ئایینی، مەزھەبی و نەتەوەیی ل کوردستانێ و پاراستنا سەقامگیریا جڤاکی و بەلاڤکرنا پەیاما مرۆڤایەتیێ وبەرەڤانیکردنێ ژ بەھایێن بلند یێن جڤاکێ کوردستانێ.
ژ لایێ خۆڤە، ئەندامێن شاندێ میڤان سوپاسیا بەڕێز بەرپرسێ مەکتەبا ڕێکخستنێ کر بۆ وێ پێشوازیا گەرم و پشتەڤانیا بەردەواما پارتی دیموکراتی کوردستان بۆ زانایێن ئایینی نیشان ددەت. هەروەسا و ڕۆلێ پارتی دپاراستنا مافێن هەموو پێکهاتەیان دا بێ جوداهی بلند نڕخاند، نەخاسمە ل پارێزگەها دهۆکێ کو وەک نموونەکا جوان یا تەباییێ و پێکڤەژیانا ئاشتییانە دهێتە نیاسین.
