​ئەڤرۆ ڕۆژا دووشەمبی، 26ێ کانوونا دووێ 2026، بەڕێز سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارێزگەها دهۆکێ، ب یاوەریا شاندەکێ مەکتەبێ، سەرەدانا بارەگایێ لقێ 9ێ پارتی ل دەڤەردارییا ئاکرێ کر و ژ لایێ بەڕێز د. مەردان خدر، بەرپرسێ لقێ و ئەندامێن دەستەیا کارگێڕی ڤە هاتە پێشوازیکرن.

​د ڤێ سەرەدانێ دا، بەرپرسێ مەکتەبا ڕێکخستنێ کۆمبوونەک دگەل کارگێڕ و بەرپرسێن ناوچەیێن سنورێ لقێ 9 ئەنجامدا.

بەڕێز سەربەست لەزگین تیشک ئێخستە سەر دوماهیک گوهۆڕینێن سیاسی ل سەر ئاستێ کوردستانێ و دەڤەرێ، و جەخت ل سەر پێگەیێ ب هێز و کارتێکرێ پارتی د هەمی هەڤکێشەیان دا کر.

د بیاڤێ کارێ ڕێکخستنێ دا:
ئامادەبووان گەنگەشە ل سەر ڕەوشا ڕێکخستنێن پارتی د ناڤا سنورێ لقێ 9 دا کر ب مەرەما پێشخستنا ئاستێ کار و چالاکیان.

​بەرپرسێ مەکتەبا ڕێکخستنێ جەخت ل سەر گرنگییا ڕۆڵێ کادرێن پارتی کر د بلندکرنا ئاستێ هوشیارییا سیاسی و نەتەوەیی د ناڤا جەماوەری دا، دا کو هەر دەم پارتی وەک داکۆکیکارێ مافێن گەل بمینیت.