ئەڤرۆ 26ێ کانوونا دووێ 2026 سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارتی ل پارێزگەھا دھۆکێ، ب ھەڤالینیا شاندەکێ مەکتەبا ڕێکخستنێ سەردانا بارەگایێ لقا 20 یا شێخان کر و ژ لایێ سالح حەیدەر، بەرپرسێ لقێ و ستافێ کارگێڕیا لقێ ڤە هاتە پێشوازیکرن.
د چارچۆڤێ ئەڤێ سەردانێ دا بەرپرسێ مەکتەبا ڕێکخستنێ کۆمبوونەکا بەرفرەھ دگەل بەرپرس، کارگێڕ و بەرپرسێن لژنە و ڕێکخراو و کادرێن پارتی ل سنوورێ لقا 20 یا شێخان ساز دا و تێدا ب تێر و تەسەلی باس ل دوماھی پێشھاتەیێن سیاسی یێن کوردستانێ، عێراقێ و دەڤەرێ و رۆلێ کاریگەر و مێژوویی یێ جەنابێ سەرۆک بارزانی و پارتی دیموکراتی کوردستان د ھەڤکێشەیێن ناڤخۆیی و ھەڕێمی دا کر، نەخاسمە ھاریکاریا رۆژئاڤایێ کوردستانێ ل ناڤەندێن نیڤدەولەتێ و ژ رووی مرۆڤی ڤە.
ل دوماھیا کۆمبوونێ دا بەرپرسێ مەکتەبا ڕێکخستنێ ئەرک و بەرپرسیارەتیا کادرێن پارتی د ڤێ قۆناغێ دا دیار کر، ب تایبەت د بیاڤێ ھشیارکرنا نەتەوی و نیشتێمانی و پاراستنا دەستکەفتێن ھەرێمێ و بەردەوامبوون ل سەر خزمەتکرنا خەلکێ کوردستانێ وەک کارەکی پێشینە یێ کارێ پارتایەتی.
