بەڕێز سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارێزگەها دهۆکێ، ب یاوەریا شاندەکێ مەکتەبێ، سەرەدانا بارەگایێ لقێ 8ێ پارتی ل ئیدارەیا سەربەخۆیا زاخۆ کر و ژ لایێ بەڕێز عەمەر ئۆرەیی، بەرپرسێ لقێ و ئەندامێن دەستەیا کارگێڕی ڤە هاتە پێشوازیکرن.
د ڤێ سەرەدانێ دا، بەرپرسێ مەکتەبا ڕێکخستنێ ب ئامادەبوونا بەرپرسێ لقێ کۆمبوونەک دگەل کارگێڕ و بەرپرسێن ناوچە و ڕێکخراو و کادرێن سنوورێ لقا ناڤبری ئەنجامدا.
بەرپرسێ مەکتەبا ڕێکخستنێ د کۆمبوونێ دا ل سەر دوماهیک پێشھاتەیێن سیاسی ل سەر ئاستێ کوردستانێ و دەڤەرێ ڕاوەستیا و تەکەز ل سەر پێگەھ و ڕۆلێ بهێز و کاریگەر یا سەرۆک بارزانی و پارتی د هەمی هەڤکێشەیان دا دیار کر.
د بیاڤێ کارێ ڕێکخستنێ ژی دا بەرپرسێ مەکتەبا ڕێکخستنێ بەحسێ ڕەوشا ڕێکخستنا پارتی و پێشخستنا ئاستێ کار و چالاکیان کر و جەخت ل سەر گرنگییا ڕۆڵێ کادرێن پارتی د بلندکرنا ئاستێ هوشیارییا سیاسی و نەتەوەیی د ناڤا جەماوەری دا و پتر خزمەتکرنا خەلکێ کر.
