د ڕێورەسمەکێ شایستە و ژ هەژی دا، ب ئامادەبوونا بەڕێزان دکتۆرە ڤیان سلێمان و کاک سەباح بەیتوللا، هاریکارێن بەرپرسێ مەکتەبا ڕێکخستنا پارێزگەها دهۆک و د. وعدی سلێمان، نوێنەرێ فەرمانگەها یاساییا مەکتەبا، ڕێز ل کار و خزمەتا بەردەواما نوێنەرێن یاسایی یێن مەکتەبا ڕێکخستنێ ل سنوورێ هەر پێنج لقێن (١، ٨، ٩، ١٨، ٢٠) هاتە گرتن.
ڕێورەسم ب پەیڤەکا بخێرهاتنێ ژ لایێ ژوورا یاسایی ڤە دەستپێکر، کو تێدا سوپاسییا ئامادەبووان و هەوڵێن بەردەوامێن کادران هاتەکرن.
پاشان دکتۆرە ڤیان سلێمان پەیڤا بەرپرسێ مەکتەبا ڕێکخستنێ پێشکێشکر. د پەیڤا خوە دا ئاماژە ب وێ بەرپرسیاریا مەزن دا کو نوێنەرێن یاسایی د ماوێ هەلبژارتنێن گشتی یێن عێراقێ دا هەلگرتبوو، و ڕۆڵێ وان یێ کاریگەر د پاراستنا مافێن پارتی و زەلالیا پرۆسێ دا بلند نرخاند.
ل دوماھیێ وەک وەفادارییەک بۆ ماندیبوونا وان، باوەرنامەیێن ڕێزلێنانێ پێشکێشی هەڤالێن نوێنەر هاتنە کرن.
