ئەڤرۆ رۆژا پێنجشەمبی، ڕێکەفتی 2026/2/5، بەرێز “سەربەست لەزگین” ئەندامێ مەکتەبا سیاسیا پارتی و بەرپرسێ مەکتەبا رێکخستنا پارێزگەها دهۆکێ، ل بارەگایێ مەکتەبێ پێشوازی ل بەرێز “فەرهاد ئەمین ئەترۆشی” جێگرێ دووێ یێ سەرۆکێ پەرلەمانێ عێراقێ و ھەژمارەکا پەرلەمانتارێن فراکسیۆنا پارتی یێن سنوورێ پارێزگەها دهۆکێ کر.
د روینشتنەکێ دا، وێرای بخێرهاتنێ، بەرێز سەربەست لەزگین خۆشحالیا خۆ ب ڤێ سەرەدانێ دیار کر. هەروەسا هەردو ئالیان بەحس ل ڕەوشا عێراقێ و دوماهیک پێشهاتەیێن د ناڤ پرۆسەیا سیاسی دا کر.
د تەوەرەکێ دی یێ کۆمبوونێ دا، بەرێز سەربەست لەزگین هیڤی خواست کو هەروەک چەوا ل پێشوەخت، پەرلەمانتارێن پارتی داکۆکیکارێن مافێن گەلێ کوردستانێ بووینە، نۆکە ژی ب هەمان روحیەت ڤی ڕۆلی بگێرن و ببنە پارێزەرێن ماف و دەستکەفتێن گەلێ کوردستانێ ل بەغدا.
