ڕێزدار سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارێزگەها دهۆکێ، پێشوازی ل پشکدارێن خولا (پێگەهاندن و گەشەپێدانا مرۆڤی) کر، ئەوا ژ لایێ ئنستتیوتا دهۆک بۆ ڕەوشەنبیریا گشتی ب هەماهەنگی دگەل تۆرا دلسۆزێن ڕێبازا بارزانی بۆ 25 کەسان هاتبوو ڤەکرن.
بەرپرسێ مەکتەبێ دەستخۆشی ل پشکدار و ڕێکخەرێن خولێ کر و دیار کر کو ئەڤ خولە کلیلن بۆ خزمەتکرنا پتر یا کوردستانێ و دوپات کر کو مەکتەبا ڕێکخستنێ هەردەم پشتەڤانا کارێن ب ڤی رەنگی یە.
د تەوەرەکێ دی دا، ڕێزدار سەباح بەیتوللا، ئەندامێ کۆمیتا ناڤین و هاریکارێ بەرپرسێ مەکتەبێ، سمینارەک ل دۆر (هەلویست و ستراتیجیەتێن پارتی) پێشکێشی قوتابیان کر و د دووماهیێ دا باوەرنامێن خولێ ل سەر پشکداران ھاتنە دابەش کرن.
ژ لایێ خۆڤە ڕێکخەرێ خۆلێ و پشکداران سوپاسیا پشتەڤانیا بەردەوام یا مەکتەبا ڕێکخستنا پارێزگەها دهۆکێ کر بۆ پێگەهاندنا کادر و گەنجان.
