10ێ شواتا 2026ێ ئەڤرۆ ب ئامادەبوونا سەرۆکێ زانکۆیا دهۆک و دەستەبژێرەکا دیار یا ئەکادیمی و مامۆستایێن زانکۆیێ، بەڕێز سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستان ل پارێزگەها دهۆکێ، پشکداری د پەنەلەکێ تایبەت دا کر ل دۆر ڕۆڵێ ستراتیژی یێ جەنابێ سەرۆک مەسعوود بارزانی د دۆزا ڕۆژئاڤایێ کوردستانێ دا.
د تەوەرێن پەنەلی دا، بەڕێز بەرپرسێ مەکتەبا ڕێکخستنێ ب هوویری تیشک خستە سەر چەند خالێن گرنگ:
* پاراستن ژ مەترسیان: ڕۆڵێ مێژوویی یێ جەنابێ سەرۆکی د دوورئێخستنا گەلێ مە ل ڕۆژئاڤایێ کوردستانێ ژ مەترسیێن ژناڤبرنێ و ژناڤبرنا ناسنامەیا نەتەوەیی.
* تەوەرێ دبلۆماسی: هەوڵێن یێن جەنابێ سەرۆکی ل سەر ئاستێ هەرێمی و نێڤدەولەتی پێخەمەت مسۆگەرکرنا مافێن ڕەوایێن گەلێ کورد.
* ئێکڕێزیا نەتەوەیی: جەختکرن ل سەر پەیاما سەرۆک بارزانی بۆ پاراستنا تەبایی و ئێکڕێزیا هێز و لایەنێن سیاسی، نەک بتنێ ل ڕۆژئاڤا، بەلکو د ناڤبەرا تەڤایا گەلێ کورد دا ل کوردستانێ و جیهانێ.
بەڕێز سەربەست لەزگین دوپات کر کو سیاسەتا حەکیمانە یا جەنابێ سەرۆکی هەمیشە ل سەر بنەمایێ بەرژەوەندیێن بلند یێن نەتەوەیی بوویە و وەک پشتەڤانەکێ ب هێز بۆ هەمی پارچەیێن کوردستانێ مایە.
