ئەڤڕۆ ١٠ی شواتا ٢٠٢٦ێ، ب ئامادەبوونا بەڕێزان د. ڤیان سلێمان و سەباح بەیتوللا، ئەندامێن کۆمیتەیا ناڤین و هاریکارێن بەرپرسێ مەکتەبا ڕێکخستنێ، ڕێورەسمەکا شایستە بۆ ڕێزلێنان ل کادرێن ژوورێن سۆشیال میدیایێ یێن لقێن سنوورێ مەکتەبا ڕێکخستنا پارێزگەها دهۆکێ هاتە ئەنجامدان.
د ڤێ ڕێورەسمێ دا، پشتی کاک عەبدولعەزیز بارزانی بخێرھاتنا ئامادەبوویان کری، ڕێزدار سەباح بەیتوللا د پەیڤەکێ دا تیشک ئێخستە سەر گرنگیا ڕۆڵێ میدیایێ د گەهاندنا پەیامێ دا و بەراوردیەک د ناڤبەرا میدیایا پارتی ل سەردەمێ شۆڕشێن ئەیلول و گولانێ و سەردەمێ نوکە دا کر، کو چەوا ب ڕێیا تەکنۆلۆژیایا سەردەم گەهاندنا پەیامێ بساناهی لێھاتیە و شوونتلەکا دیار د ئاڤاکرنا ڕایەکا گشتی یا نەتەوەیی چێکریە و ئاماژە ب ب ھەڤھەڵوەستیا گەلێ کوردستانێ د پشتەڤانیا ڕۆژئاڤایێ کوردستانێ دا کر.
ژ لایەکێ دی ڤە، د. ڤیان سلێمان ب بەرفرەهی باس ل ئەرک و کارێن ژوورێن سۆشیال میدیایێ کر و کادرێن ڤی بیاڤی وەک بەشەکێ سەرەکی و کارتێکەر یێ سەرکەفتنێن پارتی د ھەلبژاردنان دا ل قەلەم دان.
ل دوماهیا ڕێورەسمێ ژی، وەک وەفاداریەک بۆ ماندیبوون و کارێ وان، سوپاسنامەیێن ڕێزلێنانێ ل سەر کادرێن بەشداربوو هاتنە بەلاڤکرن.
