بەڕێز سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستان ل پارێزگەھا دھۆکێ، ب ئامادەبوونا ڕێزدار سەباح بەیتوللا، هاریکارێ بەرپرسێ مەکتەبێ، پێشوازی ل بەڕێز شڤان کوردستانی، سکرتێرێ ئێکەتیا قوتابی و لاوێن دیموکراتا کوردستانێ و شاندەکێ دگەل دا کر، کو پێکھاتبوون ژ بەرپرسێن لقێن سنوورێ پارێزگەھا دھۆکێ.
د کۆمبوونێ دا بەرپرسێ مەکتەبا ڕێکخستنێ، ب ھەلکەفتا سەرکەفتنا پرۆسەیا ھەلبژارتنێن کۆنفرانسێن ناڤخۆیی یێن لژنەیێن قوتابیان و لاوان، پیرۆزباھی ل سکرتێر و ئامادەبوویان کر و دەستخۆشی ل کار و چالاکیێن وان کر و ھیڤیا بەردەوامی و سەرکەفتنێ بۆ خواستن، هەروەسا دوپات کر کو مەکتەبا ڕێکخستنێ ب تمامى پشتەڤانێ تەخا قوتابی و لاوانە و ئامادەیا خۆ بۆ دابینکرنا ھەر ھاریکاریەکا پێدڤی، ژ پێخەمەت پێشئێخستنا ئاستێ ڕێکخراوەیی و خزمەتکرنا گەنجان نیشان دا.
هەروەسا بەڕێز شڤان کوردستانی د پشکەکا دی یا کۆمبوونێ دا بەرنامە و پلانا ڕێکخراوێ بۆ ٧٣ سالیادا دامەزراندنا ئێکەتیا قوتابی و لاوێن دیموکراتا کوردستانێ ئێخستە ڕوو، کو بڕیارە ل ١٨ی شواتا ٢٠٢٦ێ ب زنجیرەکا چالاکیێن جودا بھێتە ساخکرن.
