ئەڤڕۆ ئێکشەمبی، 15ێ شواتا 2026ێ ب ئامادەبوونا هەردوو هەڤالان (دکتۆرە ڤیان سلێمان) و (سەباح بەیتوللا)، ئەندامێن کۆمیتەیا ناڤین و هاریکارێن بەرپرسێ مەکتەبا ڕێکخستنا پارتی دیموکراتی کوردستان ل پارێزگەها دهۆکێ و ئیدارەیا سەربەخۆیا زاخۆ، پشکداری د ئاهەنگا خەلاتکرنا باشترین وەرزشڤانێن سالا 2025ێ دا کر.
ئەڤ ڕێوڕەسمە ژ لایێ لیژنا ئۆڵمپییا عێراق – تایێ دهۆک ڤە، ل هۆلا کۆنفرانسان یا زانکۆیا دهۆکێ هاتبوو ڕێکخستن. د ڤێ ئاهەنگێ دا بەرپرسێن حزبی، حکومی، و هەژمارەیەکا بەرچاڤ یا وەرزشڤان و ڕاهێنەر و سەرۆکێن یانەیێن وەرزشی ئامادە بوون.
د ڤێ رێوڕەسمێ دا، ب شانازی ڤە ڕێز ل ماندیبوون و سەرکەفتنێن وەرزشڤان و ڕاهێنەران هاتە گرتن یێن کو شیاین ناڤێ پارێزگەها دهۆک و ئیدارەیا سەربەخۆیا زاخۆ د ناڤەندێن وەرزشی یێن عێراقێ دا بلند ڕابگرن و ناسناڤێن جۆراوجۆر ب دەست ڤە بینن.
پەیاما مەکتەبا ڕێکخستنێ: هەردوو هەڤالێن هاریکارێن بەرپرسێ مەکتەبێ، دەستخۆشی ل ڕێکخەرێن ڤێ ئاهەنگێ کر بۆ بلندکرنا مورالا وەرزشڤانان، و هیڤیا سەرکەفتن و پێشکەفتنا بەردەوام بۆ گەنج و وەرزشڤانێن دەڤەرێ خواست.
