ئەڤرۆ ڕێکەفتی 16ێ شوواتا 2026، ب ئامادەبوونا بەڕێزان دکتۆرە ڤیان سلێمان و کاک سەباح بەیتوللا، ھارێکارێن بەرپرسێ مەکتەبا ڕێکخستنا پارتی ل پارێزگەھا دھۆکێ و هەژمارەکا بەرپرسێن حزبی و میری و جەماوەرەکێ بەرچاڤ، ڕێوڕەسمەکا شایستە ژ لایێ لقێ دھۆک یێ ڕێکخراوا ناڤبری ڤە ل ھۆڵا کۆنفرەنسا زانکۆیا دھۆک ھاتە سازکرن.
ب ئەڤێ هەلکەفتنێ، دکتۆرە ڤیان سلێمان ب نوێنەریا مەکتەبا ڕێکخستنێ پیرۆزباهی ل سکرتاریەت و تەڤایا قوتابی و لاوانێن کوردستانێ کرن و ئاماژە ب ڕۆڵێ مێژوویی یێ ڤێ ڕێکخراوێ د بزاڤا ڕزگاڕیخوازیا گەلێ کوردستانێ و کۆمکرن و ڕێکخستنا ھێز و ڤەژەنا قوتابی و لاوێن کوردستانێ و ئاراستەکرنا وان د چارچۆڤێ خەباتەکا نەتەوەیی و مەدەنی و سەردەم دا، کو بوویە قوتابخانەیەکا مەزن یا پێگەهاندنا سەرکردەیان، و شیایە بەرەبابەکێ پێشکەفتی و تژی ھێز و وزە ئاڤا بکەت کو ئەڤرۆ ڕۆلەکێ کارا و بەرچاڤ د ڕێڤەبرنا سازیێن میری و ئۆرگانێن حزبی دا بگێڕیت و بووینە پێشەنگێن خەباتا پیشەیی و نیشتیمانی.
ژ ھەژی ئاماژێ یە کو چەندین بڕگە و چالاکیێن ھونەری د ئەڤێ ھەلکەفتنێ دا ھاتنە پێشکێشکرن.
