رۆژا دووشەمبی رێكەفتی 25/8/2025 ب ئامادەبوونا نوێنەرێ جەنابێ سەرۆك ”مەسعود بارزانی ”بەرێز سیداد بارزانی و سەربەست لەزگین ئەندامێ مەكتەبا سیاسی و بەرپرسێ مەكتەبا رێكخستنا پارێزگەها دهـۆكێ و نوێنەرێن هەرسێ سەروكایەتیێن هەرێم و حكومەت و پەرلەمانێ كوردستانێ و عەبدۆڵا حاجی مەحمود وەزیرێ كاروبارێ شەهـید و ئەنفاڵكریان و د.عەلی تەتەر پارێزگارێ دهۆكێ و هەروەسا نوێنەرێ مەكتەبا سیاسی یا پارتی و هەژمارەكا پایەدارێن حزبی و حكومی و لەشكەری و كەسایەتیێن ئایینی و جڤاكی و ماڵباتێن سەربڵندێن شەهید و ئەنفاڵكریان ل ژێر دروشمێ ((كورد ب ئەنفاڵ و كومكوژی و بڕسیكرنێ ناهێنە ژناڤبرن )) و درێورسمەكێ هەژی دا 37 سالیا ئەنفاڵا بەهـدینان هاتە ساخكرن ل ناوچەداریا سەرسینكێ ل سنورێ دەڤەرداریا ئامێدیێ.
دڤێ رێورەسمێ دا پەیڤا جەنابێ سەرۆك مەسعود بارزانی ژ لایێ بەرێز سیداد بارزانی هاتە خاندن و تاجەگولینەیێن وەفاداریێ ژلایێ نوێنەرێ سەرۆك بارزانی و بەرپرسێ مەكتەبا رێكخستنا پارێزگەها دهـۆكێ ل سەر ڕۆفاتێن هەر حەفت شەهیدێن ئەنفاڵا بەهـدینان هاتنە دانان.
هەر دبیرەوەریا 37 سالیا ئەنفاڵا بەهـدینان تەڕمێن حەفت ڕۆفاتێن ئەنفاڵا بەهـدینان هاتنە ڤەگوهاستن بۆ زێدێ وان و ل گۆڕستانا گوندێ مێرگەتیێ ل دەڤەڕا بەڕێ گارەی هاتنە ڤەشارتن.
