ئەڤرۆ ڕێکەفتی ١٧ی شواتا 2026، ب مەبەستا ژ نێزیک ئاگەھداربوون ل ڕەوشا ساخلەمیا وی، بەڕێز سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستان ل پارێزگەھا دھۆکێ، سەرەدانا پێشمەرگە ھ تێکۆشەرێ دێرین و ھەلگرێ میدالیا بارزانیێ نەمر (سادق گەڵناسکی) کر.
د ڤێ سەرەدانێ دا، بەرپرسێ مەکتەبا ڕێکخستنێ ڕێز و پێزانیێن خۆ بۆ مێژوویا پڕ سەروەری و خەباتا بەردەواما بەڕێز سادق گەڵناسکی دیارکر، وەک پێشمەرگەکێ وەفادار بۆ ڕێبازا پیرۆزا بارزانی، و ھیڤیا ساخلەمیەکا باش و تەمەنەکێ درێژ بۆ خواست و ئامادەبوونا خۆ بۆ ھەر ھاریکاریەکا پێدڤێ نیشادا.
ژ لایێ خۆڤە، مالبات و کەسوکارێن تێکۆشەرێ دێرین سوپاسیا بەرپرسێ مەکتەبا ڕێکخستنێ کر کو بەردەوام ل حال و ڕەوشا تێکۆشەر و کادرێن دێرین دپرسیت.
