ئەڤرۆ 9ێ ئادارا 2026ێ بەڕێز سەربەست لەزگین ئەندامێ مەکتەبا سیاسی و بەرپرسێ مەکتەبا ڕێکخستنا پارتی ل پارێزگەھا دھۆکێ، ب ئامادەبوونا بەرپرسێن لقێن 18 و 20 پێشوازی ل بەڕێز نەوزاد هادی ئەندامێ مەکتەبا سیاسی و بەرپرسێ مەکتەبا ڕێکخستنا پارتی ل پارێزگەھا نەینەوا و شاندێ دگەلدا کر کو پێکھاتبوو ل بەڕەڤان حەمدی ھاریکارێ بەرپرسێ مەکتەبا پارتی ل پارێزگەھا نەینەوا، خسرۆ گۆران بەرپرسێ لقا 14 و نازم ھەرکی بەرپرسێ لقا 17 کر.

هەردوو ئالیان ب هووربینی بەحس ل دووماهی پێشھاتەیێن سیاسی و ئەمنی یێن دەڤەرێ و کوردستانێ ب گشتی کر.

د تەوەرەکێ دی یێ کۆمبوونێ، تەکەز ل سەر خورتکرنا پەیوەندیێن دووقۆلی و زێدەکرنا ھەماھەنگیێ د ناڤبەرا ھەردوو مەکتەبێن ڕێکخستنێ دا کر، پێخەمەت بجهئینانا کارنامە و ئارمانجێن بلند یێن پارتی دیموکراتی کوردستان د خزمەتکرنا خەلکێ کوردستانێ.