ب ھەلکەفتا (67) سالیادا دەرچوونا ئێکەم ژمارەیا ڕۆژنامەیا (خەبات) ئۆرگانێ ناڤەندیێ پارتی دیموکراتی کوردستان، گەرمترین پیرۆزباھییان ئاراستەی هەوەیێن بەڕێز و تەڤایا خوینەرێن وێ یێن دلسۆز دکەین.

ڕۆژنامەیا (خەبات) د دیرووکا خەباتا گەلێ مە دا ب تنێ ئامرازەکێ ڕاگەھاندنێ نەبوویە، بەلکو قوتابخانەیەکا نەتەوەیی و نیشتیمانی بوویە، کو ب ڕاستگۆیی و بەرپرساریەتی بەرگری ژ مافێن ڕەوا یا گەلێ کوردستانێ کرییە. ڕۆژناما خەبات وەک چەپەرەکێ موکوم یا پەیاما کوردینیێ، شیایە د ھەمی قوناغێن سەخت دا مینبەرا دەنگێ ڕاست و ڕەوا و پارێزەرا پرەنسیپێن پارتی و ڕێبازێ بارزانیێ نەمر بیت.

د ئەڤێ سەردەمێ تەکنەلۆجیا و بلەزبوونا زانیارییان دا، جھێ شانازیێ یە کو (خەبات) ھێشتا سەنگ و سەنگەرێ خۆ پاراستییە و ب مۆرەکا پیشەیی و ڕەوشتەکێ بلند یێ میدیایی بەردەوامیێ ب کاروانێ خۆ ددەت.

دووبارە پیرۆزە و دەستخۆشیێ ل ماندیبوونا ھەوە دکەین، ھیڤیا سەرکەفتنێن مەزنتر و بەردەوامیێ بۆ (خەبات)ا ڕەنگین دخوازین.

مەکتەبا ڕێکخستنا پارتی دیموکراتی کوردستان ل پارێزگەھا دھۆکێ