ئەڤرۆ، ڕێکەفتی 26ێ نیسانا 2026ێ، ل بارەگایێ مەکتەبا ڕێکخستنا پارتی دیموکراتی کوردستان ل بەهدینان، ب ئامادەبوونا بەڕێز سەربەست لەزگین ئەندامێ مەکتەبا سیاسی و بەرپرسێ مەکتەبا ڕێکخستنێ و هاریکارێن بەرپرسێ مەکتەبێ، ڕێورەسمەک بۆ خەلاتکرنا تیما تەپا پێ یا یانا سێمێلێ هاتە سازکرن.
ئەڤ ڕێزلێنانە پشتی وێ چەندێ هات کو تیما ناڤبری شیا سەرکەفتنەکا مەزن بدەستڤە بینیت و بگەھیەتە خۆلا نایاب یا کوردستانێ.
د ڤێ هەلکەفتنێ دا، بەرپرسێ مەکتەبا ڕێکخستنێ پیرۆزباهیێن گەرم ئاراستەی ڕێڤەبەریا یانێ، کادرێ ڕاهێنانێ، یاریزانان و هەمی جەماوەر و پشتەڤانێن یانا سێمێلێ کر و دووپات کر کو پارتی دێ یا بەردەوام بیت د پشتەڤانیکرنا بزاڤێن وەرزشی و پێشئێخستنا شیانێن گەنجان دا، چونکە وەرزش ب پشکەکا گرنگ ژ ئاڤاکرنا جڤاکەکێ ساخلەم ل کوردستانێ ب گشتی و دەڤەرا بەهدینان ب تایبەتی دهێتە نیاسین.
