ب ئامادەبوونا بەڕێزان سەربەست لەزگین ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستانێ، سەباح بەیتولڵا، هاریکارێ بەرپرسێ مەکتەبا ڕێکخستنێ و بەهرام عەریف یاسین، بەرپرسێ لقێ 18 یێ پارتی، و جەماوەرەکێ بەرفرەهـ ژ خەلکێ گوندێ گەڕبەراسکێ، د ڕێوڕەسمەکا ھەژی و شکۆداردا، پەردە ل سەر مونوومێنتێ 33 شەهیدێن گوندێ ناڤبری ھاتە ھەلاندن.
د ڤێ ڕێوڕەسمێ دا، بەرپرسێ مەکتەبا ڕێکخستنێ پەیڤەک پێشکەشکر و تێدا ئاماژە ب خەبات، خۆڕاگری و تێکۆشانا مێژوویا خەلکێ گوندێ گەڕبەراسکێ کر و قوربانیدان و فیداکاریا خەلکێ گوندی پێخەمەت ئازادی و سەرفرازیا گەلێ کوردستانێ بلند نرخاند و دیارکر کو ئەڤ ئازادیا ئەڤرۆ هەیی، بەرهەمێ خوینا پیرۆزا وان شەهیدێن قارەمان و نەمرە.
هەر د چارچۆڤێ ڤێ ڕێوڕەسمێ دا، بەرپرسێ مەکتەبا ڕێکخستنێ و جەماوەرێ ئامادە سەرەدانا شکەفتا کورتەپکێ کر، ئەو شکەفتا، کو بارزانیێ نەمر ل دەستپێکا شۆڕشا مەزنا ئەیلوولێ سەرپەرشتیا داستانێن بناڤودەنگێن (زاویتە – لۆمانا) تێدا کری.
