ب هەلکەفتا ساڵیادا شۆڕەشا 26ێ گولانێ و جەژنا قوربانێ یا پیرۆز، شاندەکێ پارتی دیموکراتی کوردستان – سوریا (PDK-S) ب سەرۆکایەتیا بەڕێز حاجی کالۆ، ئەندامێ مەکتەبا سیاسیێ، سەرەدانا مەکتەبا ڕێکخستنا پارتی دیموکراتی کوردستان ل بەھدینان کر و ژ لایێ بەڕێز سەربەست لەزگین ئەندامێ مەکتەبا سیاسی و بەرپرسێ مەکتەبا ڕێکخستنێ هاتە پێشوازیکرن.
د دیدارەکێ دا هەردوو لایان پیرۆزباهی ل ئێکدو کرن و تەکەزی ل سەر بوهایێن نیشتیمانی یێن شۆڕەشا گولان د دیرۆکا کوردستانێ دا کرن.
ڕەوشا گشتی و بارودۆخێ سیاسی یێ دەڤەرێ و ب تایبەتی دۆزا کوردی ل باشووڕ و ڕۆژئاڤایێ کوردستانێ و ئاستەنگێن ل بەردەم، تەوەرەکێ دی یێ دیدارێ بوون.
