ب ناڤێ خودایێ مەزن و دلۆڤان
گەلێ کوردستانێ د 79 هەمین سالیادا داستانا ڕووبارێ ئاراس دا، ئێك ژ گرنگترین و کاریگەرترین ویسگەهێن دیرۆکا خۆ یا سیاسی یا هەڤچەرخ ب بیر دئینین. ئەو بڕیارا مێژوویی، دەستپێکا ئاراستەیەکێ نوێ یێ سیاسی بوو د بزاڤا ڕزگاریخوازیا گەلێ کوردستانێ دا.
ئەڤ ڕێچوونا 52 رۆژان ڤەکیشای و 800 میل تێدا هاتینە بڕین، وەرچەرخانەیەکا ستراتیژی بوو، د ڕێڕەوا بزاڤا ڕزگاریخوازییا کوردی دا. بارزانیێ نەمر ب ڤێ بڕیارا دیرۆکی، شیا دژوارترین تەنگاڤیان بکەتە وێستگەهـ و دەلیڤەیێن هێزبەخشینێ و پشکۆژا خەباتا ئازادی و سەرفەرازیا گەلێ خۆ گەش بهێلیت.
ڕێچوونا بارزانیێ نەمر و هەڤالێن وی بۆ ئێکەتیا سۆڤیەت، کۆچبەربوونەکا ئاسایی نەبوو، بەلکۆ رەتکرنا کەتوارێ شکەستن، بێ ئومێدیێ و ڕادەستبوونێ بوو و ستراتیژی و دیدگەهەکا ڕۆن و دورربین هەبوو و ئارمانج ژێ، گەهاندنا دەنگێ ئێش و ئازار و ڕەوایەتیا دۆزا گەلێ خۆ، بۆ ئێک ژ ب هێزترین ناڤەندێن بڕیاردانێ ل جیهانێ.
بارزانیێ نەمر د 11 سالێن مانا خۆ دا ل ئێکەتیا سۆڤیەت پەیوەندیێن دبلۆماسی یێن بەرفرەهـ د بلندترین ئاست د،ا دگەل سەرکردایەتیا ئێکەتیا سۆڤیەت، وەڵاتێن ڕۆژهەلاتا ئەورۆپا و مسرێ، ل 5ێ ئوکتۆبەرا ساڵا 1958 وەکو سەرکردەکێ ئەفسانەیی یێ سەرکەفتی ڤەگەڕیاڤە وەڵاتێ خۆ و ژلایێ سەدان هزار وەلاتیێن کورد و عەرەب ڤە پێشوازیەکا قارەمانانە لێ هاتەکرن.
د حەفتێ و نەهەمین سالڤەگەڕا ڤێ داستانا پڕ شانازی دا، سەرێ ڕێز و نەوازشێ بۆ گیانێ پاکێ تەڤایا شەهیدێن بزاڤا ڕزگاریخوازیا گەلێ کوردستانێ و سەر کاروانێ شەهیدان بارزانیێ نەمر و کاك ئیدریسێ هەردەم ساخ دچەمینین.
بەرز و بلندبیت ئالایێ کوردستانێ و کوردستان هەرا ئارام و ئاڤەدانبیت
مەکتەبا ڕێکخستنا پارتی دیموکراتی کوردستان ل بەهدینان
