رۆژا چاڕشەمبی رێكەفتی 27/8/2025ێ بەرێز”سەربەست لەزگین”ئەندامێ مەكتەبا سیاسی یا پارتی و بەرپرسێ مەكتەبا رێكخستنا پارێزگەها دهـۆكێ دبیرئاینا 37 ساڵیا ئەنفاڵا بەهـدینان ب ئامادەبوونا بەرێز”گوهـدار شێخۆ” سەرپەرشتێ ئیدارا سەربەخۆیا زاخۆ سمینارەك بۆ ئەندام و ئالیگرێن پارتا مە ل سنورێ لقێ هەشت یێ پارتی و هەژمارەكا دیا بەرپرسێن ئیداری و لەشكەری و مالباتێن سەربلندێن شەهیدان و ئەنفاڵكریا و و پێشمەرگەیێن قەهرەمان و كەسایەتیێن كورد پەروەر و نیشتیمان پەروەرێن سنورێ ئیدارا سەربەخۆیا زاخۆ پێشكێشكر ل هۆڵا باڕەگایێ لقێ هەشت یێ پارتی.
دڤێ سمینارێ دا بەرێز سەربەست لەزگین گوت:
ئەنفاڵا بەهـدینان یێك ژ بەرپەرێن رەشێن رژێما ژناڤچوویا عێراقێ بوو و برینەكە چ جارا ناهێتە ساڕێژكرن و ڕژێما بەعس ب ئەنفاڵا بارزان و گەرمیان و هەلبجەی و هەروەسا ب وێرانکرنا کوردستانێ و بگرتن و ئەشکەنجەدانا خەلكی تێهناتیا خۆ نەشکاند لەوما پەنا برە بەر ڤێ تاوانا هۆڤانە ل دژی خەلکێ سڤیل و بێ گونەهـێ بەهـدینان و ئەڤ تاوانە یا دویر بۆ ژ هـەمی پرەنسیب و بهـایێن ئەخلاقی و مروڤایەتی، لێ دئەنجام دا گەلێ كوردستانێ و خەلكێ خۆڕاگر و قەهرەمان و فیداكار و كورد پەروەرێ دەڤەرا بەهـدینا سەركەفت و وەكی چیایێت كوردستانێ سەرفەراز بوون و ئەنجامدەرێن تاوانا ئەنفاڵا بەهـدینا ژی گەهشتنە سزایێ خۆ و چوونە دزبڵدانا دیروكێ دا.
دبەشەكێ دی دا و ب ئامادەبوونا بەرێز”سەربەست لەزگین” بەرپرسێ مەكتەبا رێكخستنا پارێزگەها دهوكێ و گوهدار شێخۆ سەرپەرشتێ ئیدارا سەربەخۆیا زاخۆ پێشانگەهـەكا فۆتۆگرافیا شەهیدێن ئەنفاڵا بەهـدینان هاتە ڤەكرن ل هۆڵا باڕەگایێ لقێ هەشت یێ پارتی.
