رۆژا پێنج شەمبی رێكەفتی 10/7/2025 نوێنەرێ رێزدار”نێچیرڤان بارزانی”سەروكێ هەرێما كوردستانێ دلشاد شهـاب و سەربەست لەزگین ئەندامێ مەكتەبا سیاسیا پارتی و بەرپرسێ مەكتەبا رێكخستنا پارێزگەها دهـۆک و د.عەلی تەتەر پارێزگارێ دهـۆكێ و حەمید عەلی و د.ڤیان سلێمان هاریكارێن مەكتەبا رێكخستنێ و هەژمارەكا دی یا ڕایەدارێن پارێزگەها دهـۆک و ئیدارا سەربەخۆیا زاخۆ پێشوازی ل تۆلایی هاتیمئۆغلۆ و تونجەر باکرهان، هەڤسەرۆکێن دەمپارتییێ و شاندەكێ پێڕا كر ل ئیبراهیم خەلیل.
بڕیارە سۆباهـی هەرێما كوردستانێ مێڤانداریا برێڤەچوونا پێنگاڤەكا گرنگ و چاڕەنڤیساز و مێژووی بكەت كو ئەڤ ژی پێنگاڤەكا جدیە بۆ ئاشتیەكا گشتگیر ل وەڵاتێ توركیا و ئێكەم قوناغا ڤێ پرۆسەیا ئاشتیێ ژی دێ ناڤچەیەكا دیاریكریا هەرێما كوردستانێ برێڤەچیت جهـێ ئاماژێ یە كو ل هەمی قۆناغان دا جەنابێ سەرۆك بارزانی وەكو سەركردەیەكێ ئاشتێخواز ئامادەیا خۆ نیشاندایە بۆ ناڤبەینكاریێ و هەڕدەم رۆلەكێ مێژووی و كاریگەر گێرایە بۆ سەركەفتنا پرۆسەیا ئاشتیێ ل وەڵاتێ توركیا ب تایبەت و رۆژهـەڵاتا ناڤین بگشتی.
