رۆژا سێشەمبی رێكەفتی27/5/2025ێ ب ئامادەبوونا بەرێز”سەربەست لەزگین”ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهـوكێ و بەرێزان ”زاگڕۆس فەتاح” ئەندامێ مەكتەبا سیاسی و بەرپرسێ بەشێ كارگێری و دارایی و ”د.مەردان خدر” بەرپرسێ لقێ نەهـ یێ پارتی و هەڤالێن مەكتەبا رێكخستنێ و هەژمارەكا كەسایەتیێن حزبی و ئەندام و ئالێگرێن پارتا مە د رێورەسمەكێ هەژی دا باڕەگایێ نوی یێ لیژنا ناوچا بۆتان هاتە ڤەكرن ل ناوچەداریا كەلەک.

دڤێ رێورسمێ دا بەرێز”سەربەست لەزگین” پیرۆزباهی ل بەرپرس و دەستەیا كارگێری و ئەندامێن ناوچا بۆتان كر و هیڤێ خۆاست كو دڤێ باڕەگایێ نوی دا خزمەتەكا بێ وێنە پێشكێشی خەلكێ دەڤەرێ بكەن و پڕا بهەڤڕا گەهشتنا داخۆازیێن خەلكی بن دناڤبەرا لایەنێن شولەژێ و ئیدارا دەڤەرێ.

دبەشەكێ دیێ پەیڤا خۆ دا بەرپرسێ مەكتەبا رێكخستنا پارێزگەها دهـۆكێ بیرەوەریا 26 گوڵانێ ساخكر و بەحس ل وێستگەهێن خەبات و تێكوشینا سەردەمێ شورەشا گوڵانێ كر و گووت:شۆڕەشا گۆڵانێ خۆدانا داستان و سەركەفتنێت مەزنە و شەنگەستێ سەرهەڵدانا ساڵا 1991ێ بوو هەروەسا شۆڕەشا گۆڵانێ سەلماند كو پارتی دار بەڕۆیە چ پیڵان و  باهۆزا نە تێتە بڕین نە تێتە سۆتن و نە لناڤ دچیت.