ئەڤرۆ، ڕێکەفتی 4 شوباتێ 2026ێ بەڕێز سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستان ل پارێزگەها دهۆکێ، سەرەدانا بارەگایێ لقێ ١٨ یێ پارتی ل دەڤەرداریا ئامێدیێ کر.
د کۆمبوونەکا بەرفرهە دا، ب ئامادەبوونا هەڤال بەھرەم عەریف یاسین بەرپرسێ لقێ، و کارگێڕێن لقێ و ستافێ لژنە و کادرێن دەڤەرێ، بەرپرسێ مەکتەبا ڕێکخستنێ تیشک ئێخستە سەر دوماهی پێشهاتێن سیاسی یێن هەرێما کوردستانێ و دەڤەرێ.
بەرپڕسێ مەکتەبا ڕێکخستنێ جەخت ل سەر ڕۆڵێ کاریگەر و حەکیمانەیێ جەنابێ سەرۆک مەسعود بارزانی د هەڤکێشەیێن سیاسی یێن عێراق و هەرێمێ دا هاتە کرن، وەک پارێزەرێ دەستکەفتیێن گەلێ کوردستانێ، ھەروەسا ل سەر گرنگیا پاراستنا ئێکڕێزییا گەلێ کوردستانێ بۆ بەرەنگاربوونا ئالنگاڕیان، نەخاسمە د ڤێ قۆناغا ھەستیار دا ڕاوەستیا.
ژ لایەکێ دیڤە بەرپرسێ مەکتەبا ڕێکخستنێ داخواز ژ کادر و لایەنێن پەیوەندیدار کر کو پتر خزمەتا خەلکێ خۆڕاگرێ دەڤەرا ئامێدیێ بکەن و نێزیک بن ژ کێشە و داخوازیێن وان.
هەر د کۆمبوونێ دا، باس ل ئەرکێن ڕێکخستنێ یێن قۆناغێ هاتە کرن، ب مەرەما پتر بهێزکرنا پەیوەندیێن جڤاکی و خزمەتکرنا بلندترین بەرژەوەندیێن نەتەوەیی.
