ئەڤرۆ ڕێکەفتی 15/2/2026 ب ئامادەبوونا دکتۆرا ڤیان سلێمان، ئەنداما کۆمیتەیا ناڤین و ھاریکارا بەرپرسێ مەکتەبا ڕێکخستنا پارتی ل پارێزگەھا دھۆکێ، ل یاریا دوماھیێ یا قارەمانیا فۆتبۆلا (شەش یاریزان) یا ئافرەتێن عێراقێ ئامادەبوو کو د ناڤبەرا ھەردوو تیمێن (یانا ئافرەتێن دھۆکێ) و (بەلەدا) بڕێڤەچوو.

د یاریەکا ب ھێز و ململانەکا دژواردا، ئافرەتێن دھۆکێ شیان سەرکەفتنێ ب دەستڤە بینن و نازناڤێ قارەمانییا عێراقێ بۆ باژێڕێ دھۆکێ و کوردستانێ مسۆگەر بکەن.

ژ بویی ئەڤێ ھەلکەفتێ، دکتۆرا ڤیان سلێمان ب ناڤێ مەکتەبا ڕێکخستنا پارتی دیموکراتی کوردستان ل پارێزگەھا دھۆکێ، پیرۆزباهیێن گەرم ئاراستەی یاریزان و دەستەکا کارگێڕی و جەماوەرێ یانا ئافرەتێن دھۆکێ کرن.

دکتۆرە ڤیانێ د پەیڤەکێدا دیار کر: “ئەڤ دەستکەفتە نیشانا شیان و زیرەکییا ئافرەتا کوردە د مەیدانا وەرزشێدا و ھیڤیا سەرکەفتن و پتر پێشڤەچوونێ بۆ وەرزشا ئافرەتان ل کوردستانێ ب گشتی و پارێزگەھا دھۆکێ ب تایبەتی خواست.”