ب ھەلکەفتنا ب دەستڤەئینانا نازناڤێ قارەمانیا عێراقێ یا تۆپا پێ یا (شەش یاریزان) ی ب شانازییەکا مەزن ڤە، مەکتەبا ڕێکخستنا پارتی دیموکراتی کوردستان ل پارێزگەھا دھۆکێ، گەرمترین پیرۆزباھییان ئاراستەی کارگێڕیا یانەیا وەرزشی یا دھۆک، ستافێ ڕاھێنەران و کچێن یاریزانێن قارەمان دکەت.
ئەڤ دەستکەفتە نیشانەکا ڕوھنە بۆ شیان و ئیرادەیا بلند کو کچێن مە د بیاڤێ وەرزشێ دا خودان شیانن.
یانەیا دھۆک یا کچان شیا ب ماندیبوون و دلسۆزییا خۆ، ناڤێ پارێزگەھا دھۆکێ و یانەیا خۆ ل سەر ئاستێ عێراقێ ب بلند ڕابگرن و ببەنە جهێ شانازییا مە هەموویان.
ئەم د دەمەکێ دا دەستخۆشیێ ل کچێن قارەمانێن “چیا” دکەین، پشتەڤانییا خۆ یا بەردەوام بۆ گەنج و وەرزشڤانان دوپات دکەین، ب ئومێدا هندێ کو ئەڤ سەرکەفتنە ببیتە هێڤێنێ دەستکەفتیێن مەزنتر د پاشەڕۆژێ دا.
سەرکەفتن بۆ وەرزش و وەرزشڤانێن کوردستانێ..
پیرۆزە ل یانەیا دھۆک و تەڤایا جەماوەرێ وەرزش دۆست.
