د چوارچۆڤێ گرنگیدان ب کاروبارێن ڕێکخستنێ و پەرەپێدانا ئۆرگانێن پارتی، ئەڤڕۆ ڕێکەفتی ١٦ شوواتا ٢٠٢٦ ێ ب ئامادەبوونا بەرێز سەربەست لەزگین ئەندامێ مەکتەبا سیاسی و بەرپرسێ مەکتەبا ڕێکخستنا پارتی ل پارێزھەگا دھۆکێ و ئێدارەیا سەربەخۆیا زاخۆ و شاندەکێ مەکتەبا ڕێکخستنێ و هەڤال عومەر ئورەیی بەرپرسێ لقا ھەشت و بەرپرس و ستافێ لژنێ و جەماوەرەکێ بەرفرەھێ پارتی ل دەڤەرێ، بارەگایێ نووی یێ لژنا ناوچا دەرکارێ ب فەرمی هاتە ڤەکرن.
د ڕێورەسمێن ڤەکرنا بارەگای دا، بەرپڕسێ مەکتەپا ڕێکخستنێ پەیڤەک پێشکەش کڕ و بەحس ل ڕەوشا سیاسی و دوماهی پێشھاتەیێن عێراق و هەرێما کوردستانێ و ڕۆژئاڤا کر.
بەرپرسێ مەکتەبا ڕێکخستنێ تەکەز ل سەر ڕۆلێ کاریگەر و مێژوویی یێ جەنابێ سەرۆک بارزانی د ئاراستەکرنا ڕەوشێ بەرەڤ سەقامگیریێ ڤە کر.
ل دوماھیێ پیرۆزباهی ل خەلکێ دەڤەرێ و هەڤالێن پارتی هاتە کرن بۆ ڤەکرنا ڤی بارەگای وەک ناڤەندەک بۆ خزمەتکرنێ و کارێ ڕێکخستنێ.
