ئەڤرۆ سێشەمبی، ڕێکەفتی 17ێ شواتا 2026، د چارچۆڤێ چالاکیێن زانستی و سیاسی یێن زانکۆیا پۆلیتەکنیکی یا دهۆکێ دا، سمینارەکا تایبەت بۆ بەڕێز سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارتی ل پارێزگەها دهۆکێ، ژ لایێ پەیمانگەها تەکنیکی و کارگێریا زانکۆیا پولیتەکنیکی ڤە هاتە ڕێکخستن.
د ڤێ سمینارێ دا، بەڕێز بەرپرسێ مەکتەبا ڕێکخستنێ ب بەرفرەھی ل سەر دوماهی گوهۆڕین و پێشهاتەیێن سیاسی یێن ناڤخۆ و ھەرێمێ ئاخفت و تیشک ئێخستە سەر ڕۆلێ کاریگەر و مێژوویی یێ جەنابێ سەرۆک مەسعوود بارزانی د پرس و هاوکێشەیێن دەڤەرێ دا، ب تایبەتی د پاراستنا سەقامگیریێ و دوورخستنا مەترسیان ل سەر گەلێ کوردستانێ و ونەخاسمە ل ڕۆژئاڤا. هەروەسا ئاماژە ب ھەوڵێن بەردەوامێن جەنابێ سەرۆک بارزانی دا.
د پشتەڤانیکرنا مافێن ڕەوا یێن گەلێ کوردستانێ ل ناڤەندێن هەرێمایەتی و نیڤدەولەتی و پاراستنا ئێکڕێزی و دەستکەفتێن گەلێ مە د ڤێ قۆناغا هەستیار دا.
