ئەڤرۆ 17ێ شوواتا 2026ێ و بھەلکەفتنا 73ـەمین ساڵڤەگەڕا دامەزراندنا ئێکەتیا قوتابی و لاوێن دیموکراتا کوردستانێ، بەڕێزان دکتۆرە ڤیان سلێمان و ھەڤال سەباح بەیتوللا ھاریکارێن بەرپرسێ مەکتەبا ڕێکخستنا پارتی ل پارێزگاھا دھۆکێ سەرەدانا زانکۆیا نەورۆز کر و ئامادەیی ڤستەڤاڵا ھونەری و زانستی بوون کو ژ لایێ ئێکەتیا قوتابی و لاوێن دیموکراتا کوردستانێ (لقێ دەورووبەر ) ڤە ھاتبوو ڕێکخستن.
دڤێ سەرەدانێ دا زێدەباری پێشکەشکرنا پیرۆزباھیێن 73ـەمین ساڵیادا دامەزراندانا ئێکەتیا قوتابی و لاوێن دیموکراتا کوردستانێ، ژ نێزیک ڤە ھایداری کار و چاڵاکین لقێ دەورووبەرێ دھۆک یێ ئێکەتیا قوتابی و لاوێن دیموکراتا کوردستانێ بوون و دەستخۆشی ل ڕێکخەرێن ڤستەڤالێ کرن.
ھەر د چارچۆڤێ سەرەدانا خۆدا ھاریکارێن بەرپرسێ مەکتەبا ڕێکخستنێ سەرەدانا بارەگایێ لقێ دھۆک یێ ئێکەتیا قوتابی و لاوێن دیموکراتا کوردستانێ کرن و پێرۆزباھیێن مەکتەبا ڕێکخستنێ پێشکەشی بەرپرس وستافێ لقێ و تەڤایا قوتابی و لاوێن کوردستانێ کرن و داخوازا بەرداوامی سەرکەفتنێ خواست د رێیا پتر خزمەتکرنا ڤێ تەخا ھشیار و زیندی.
ژ لایەکێ دێ ڤە دکتۆرە ڤیان سلێمان ب یاوەریا بەرپرسێ بەشێ جەماوەریێ مەکتەبا ڕێکخستنێ ل ڕێورەسمێن ئاھەنگا ب دوماھیک ئینانا قارەمانیا فۆتسالێ ل پەیمانگەھا پەروەردا وەرزشی ل دھۆکێ ئامادەبوون کو ھەر ب ھەمان ھەلکەفت ھاتبوو ڕێکخستن.
ھاریکارا بەرپرسێ مەکتەبێ دەستخۆشی ل کارگێریا پەیمانگەھا پەروەردا وەرزشی کر بۆ ڕێکخستنا ڤان چالاکیان پشتەڤانیا خۆ بۆ ھاندانا وەرزشڤانان و بلندکرنا ئاستێ گەنجان دوپات کر و ل دوماھیێ خەڵات ب سەر سەرکەفتیان ھاتنە دابەشکرن.
