ئەڤرۆ 5ێ گولانا 2026ێ بەڕێز سەربەست لەزگین ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستان ل بەھدینان، ل بارەگایێ مەکتەبێ پێشوازی ل ستافێ کارگێڕیا سەندیکا ئاندازیاران کر.
د دیدارەکێدا، بەرپرسێ مەکتەبا ڕێکخستنێ تیشک ئێخستە سەر ڕۆڵێ ستراتیژی یێ ئەندازیاران د ئاڤەدانییا کوردستانێ ب گشتی و دەڤەرا بەھدینان ب تایبەتی. هەروەسا دیار کر کو پارتی دیموکراتی کوردستان ب ڕێز و پێزانین ڤە تەماشەی کار و ماندیبوونا ئەندازیاران دکەت و پشتەڤانییا تەمام بۆ کارێن سەندیکایێ دوپات کر.
ژ لایێ خۆ ڤە، شاندێ مێڤان خۆشحالییا خۆ ب ڤێ پێشوازییێ دیار کر و تەکەزی ل سەر بەردەوامیا هەماهەنگیێ کر بۆ پێشکێشکرنا باشترین خزمەتگوزاری د بوارێن ئەندازیاری و ئاڤەدانکرنێ دا.
