دوھی ڕێکەفتی 7ێ گولانا 2026ێ، ب مەرەما بلندکرنا ئاستێ هشیاریا گەنجان، ڕێزدار (سەباح بەیتوللا) هاریکارێ بەرپرسێ مەکتەبا ڕێکخستنا پ.د.ک ل بەهدینان، سمینارەک ل ژێر ناڤ و نیشانێن «ژبۆ بەرەپێدانا شیانێن گەنجان و پاراستنا ژینگەهی» ل خیڤەتگەها ڕوانکە ل کانیا توزێ ل ناحیا دینارتێ پێشکەش کر.
د سمینارێ دا کو بۆ هەژمارەکا بەرچاڤ ژ مامۆستا، ڕەوشەنبیر، نڤیسەر و وەرزشڤانان هاتبوو ڕێکخستن، ب تێر و تەسەلی باس ل ژیانناما تژی سەروەری یا سەرۆک بارزانی و ڕۆڵێ جەنابێ وان د بزاڤا ڕزگاریخوازی و ئارامیا کوردستانێ دا هاتە کرن، هەروەسا تیشک ئێخستە سەر گرنگیا پەرەپێدانا شیانێن مرۆڤی و پاراستنا ژینگەهێ وەک ئەرکەکێ نەتەوەیی و جڤاکی.
