ئەڤرۆ دووشەمبی، 18ێ گوڵانا 2026ێ، ڕێزدار سەربەست لەزگین ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستان ل بەهدینان، ب ئامادەبوونا هەردوو هاریکارێن بەرپرسێ مەکتەبێ، بەڕێزان د. ڤیان سلێمان و سەباح بەیتوللا، پێشوازی ل سەرۆک، کارگێڕی و یاریزانێن یانا دهۆک یا ئافرەتان کر.
د دیدارەکێ دا، بەرپرسێ مەکتەبا ڕێکخستنێ پیرۆزباهییەکا گەرم ل کارگێڕیا یانێ و تەڤایا کچێن قارەمان کر بۆ بدەستڤەئینانا نازناڤێ قارەمانیا عێراقێ یا تەپا پێ شەش یاریزانی.
ئەڤ سەرکەفتنا مەزن پشتی وێ چەندێ هات کو د یارییا دوماهیێ دا، کچێن دهۆکێ شیان ب سەر یانا (البدير) یا پارێزگەها دیوانیێ دا سەرکەڤن و جامێ بۆ باژێرێ دهۆکێ مسۆگەر بکەن.
