ئەڤرۆ رۆژا چوارشەمبی، 15ی تیرمەها 2026ێ، ڕێزدار سەربەست لەزگین، ئەندامێ مەکتەبا سیاسی یا پارتی دیموکراتی کوردستان و بەرپرسێ مەکتەبا رێکخستنا پارتی ل بەهدینان، ل بارەگایێ خۆ یێ تایبەت، پێشوازی ل بەڕێز (ئەندرۆ بیزلی) کونسولێ گشتیێ بەریتانیا ل هەرێما کوردستانێ و شاندێ دگەل دا کر.
د دیدارەکا دۆستانە و گرنگدا، هەردوو ئالیان بەحس ل نووترین پێشهات و گۆهڕینێن سیاسی و ئەمنی ل هەرێما کوردستانێ و عیراقێ ب گشتی کر. د هەمان دەمدا، ڕەوشا نها یا دەڤەرێ و پەیوەندیێن دوقۆلی یێن د ناڤبەرا هەرێمێ و وڵاتێ بەریتانیادا هاتنە نرخاندن.
بەرپرسێ مەکتەبا رێکخستنا پارتی ل بەهدینان، سوپاسییا ڕۆلێ کاریگەر و بەردەوامێ بەریتانیا د پشتەڤانیکرنا سەقامگیری و پرۆسێسا دیموکراتی ل هەرێما کوردستانێ کر. کونسولێ گشتیێ بەریتانیا خۆشحالییا خۆ ب ڤێ دیدارێ دەربڕی و جەخت ل سەر پابەندبوونا وڵاتێ خۆ بۆ پەرەپێدانا پەیوەندیێن دۆستانە د هەموو بواراندا کر.
