`دھۆک ١٥ تیرمەھا ٢٠٢٦ێ
بەڕێز سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستان ل بەھدینان، پێشوازی ل دەستەیا کارگێریا بەرێ یا یانەیا وەرزشی یا زاخۆ کر.
د دیدارەکێدا، بەڕێز بەرپڕسێ مەکتەبا ڕێکخستنێ سوپاسی و دەستخۆشی ل ئەندامێن دەستەیا کارگێریا بەرێ یا یانەیێ کر بۆ کار، خزمەت و ماندیبوونا وان د قۆناغێن دەربازبوویدا، کو شیان ب دلسۆزی کار بۆ پێشخستنا ئاستێ وەرزشی و ناڤودەنگیا یانەیا دێرین و جەماوەری یا زاخۆ بکەن. هەروەسا هیڤیا سەرکەفتنێ د ئەرک و کارێن وان یێن داهاتی دا بۆ خواست.
ژ لایێ خۆڤە، ئەندامێن دەستەیا کارگێریا بەرێ یا یانەیێ سوپاسیا بەڕێز سەربەست لەزگین کر بۆ پێشوازی و پشتەڤانیا وی یا بەردەوام بۆ گەنج و وەرزشڤانێن دەڤەرێ و پێشخستنا کەرتی وەرزشی ب گشتی.
