ئەڤرۆ رۆژا دووشەمبی ٢٠ى تيرمەها ٢٠٢٦ێ، رێزدار سەربست لەزگین ئەندامێ مەکتەبا سیاسی یا پارتی و بەرپرسێ مەکتەبا ڕێکخستنێ ل بەهدینان، ب یاوەریا ساڵح حەیدەر (بەرپرسێ لقی 20 یا شێخان) دگەل شاندەکی، سەرەدانا بارەگایێ دەزگایێ ئەیلول و گولان ل قەزا شێخان کر.
د دیدارەکێدا، شاندی هیڤیا سەرکەفتنێ بۆ حەسەن شلی وەک بەرپرسێ نوو یێ دەزگایێ ئەیلول و گولان ل دەڤەرێ خواست د ئەرک و بەرپرسیارەتییا وی یا نوو دا، و جەخت ل سەر گرنگییا بەردەوامبوونا کار و چالاکیێن دەزگەهی هاتە کرن د خزمەتکرنا دۆزا ڕەوا یا گەلێ مە و پاراستنا ڕێبازا پیرۆزا بارزانییێ نەمر دا.
ژ لایێ خۆڤە، بەرپرسێ نوو یێ دەزگەهی سوپاسییا سەربست لەزگین، ساڵح حەیدەر و شاندێ یاوەر کر بۆ ئەڤێ سەرەدان و پشتەڤانییێ، و بەرهەڤییا خۆ دیار کر بۆ هەر هەماهەنگی و کارەکێ پێکڤەیی د خزمەتا دەڤەرێ و پێشمەرگەیێن دێرین دا.
