​ئەڤڕۆ، ب دلەکێ تژی ڕێز و ئەمەگداری، ساڵڤەگەڕا وەغەرا دووماهییێ یا مرۆڤێ مەزن و ڕێبەرێ ڕوحی و نیشتمانی، سەماحەتا شێخ ئەحمەدێ بارزانی یێ خودانێ بارزان ب بیردئینین.

ئەو زاتێ کو ژیانا خۆ کریە قوربانی پێخەمەت چەسپاندنا پرەنسیپێن مرۆڤایەتی، دادپەروەری و پاراستنا ژینگەهـ و پێکڤەژیانێ.

مەولانا ​شێخ ئەحمەدێ بارزانی، بتنێ سەرکردەیەکێ ئایینی و جڤاکی نەبوو، بەلکو ئەو قوتابخانەیەکا بلندا نەتەوایەتی و مرۆڤایەتی بوو، کو تێدا فێری بەرگریێ ژ بەلەنگازان و خۆڕاگریێ ل هەمبەر زۆرداریێ بووین.

ڕێبازا پیرۆزا ڤی زاتێ مەزن، یا ل سەر بنگەهێ خوداناسیێ، مرۆڤدۆستیێ و نیشتیمانپەروەریێ هاتیە ئاڤاکرن، بوو هێڤێنێ شۆڕەشێن کوردستانێ و هەتا ئەڤڕۆ ژی مەشخەلێ ڕێکا مەیا ئازادیێیە.

​ئەم وەک مەکتەبا ڕێکخستنا پارێزگەها دهۆکێ و ئیدارەیا سەربەخۆیا زاخۆ، د ڤێ بیرەوەریا خەمناک دا، دووپات دکەین، کو دلسۆز و وەفادار بمینین بۆ وێ ڕێبازا پیرۆز و ل سەر شووپا وی یا نەتەوەیی و مرۆڤایەتی بەردەومبی ل سەر پاراستنا دەستکەفتێن هەرێما کوردستانێ و خزمەتکرنا گەلێ مە.

​سڵاڤ ل سەر گیانێ پاقژێ شێخ ئەحمەدێ بارزانی و هەمی شەهیدێن ڕێکا ڕزگارییا کوردستانێ.

​مەکتەبا ڕێکخستنا پارێزگەها دهۆکێ
ئیدارەیا سەربەخۆیا زاخۆ
11ێ کانوونا دووێ 2026