ب هەلکەفتا (٥٦)ەمین سالیادا دامەزراندنا ئێکەتییا نڤیسەرێن کورد، گەرمترین پیرۆزباهیان ل هەوە یێن هێژا و تەڤایا ئەندام و نڤیسەر و تۆڕەڤانێن کوردستانێ دکەین. هیڤیخوازین وەک هەر دەم ب وی پەری دلسۆزیێ د خزمەتا پەیڤا ڕەسەنا کوردیدا بن.
ئێکەتییا نڤیسەرێن کورد ژ دەمێ دامەزراندنا خۆ و هەتا نوکە وەک رێکخراوەکا تێکۆشەر و ب هەلوەست، هەر دەم دگەل هێلا شۆرشێ و بەرژەوەندیێن بلند یێن گەلێ کوردستانێ و د خزمەتا زمان و ئەدەبیات و رەوشەنبیری و کولتۆرێ کوردیدا بوویە.
د درێژاهیا تەمەنێ خۆدا ناڤەندەکا قەلەمێن خودان هەلوەست بوویە و د ڕێیێ دا ژی پۆلەکا شەهیدان پێشکەشی نیشتمانی کرینە، کو د ئەڤێ یادا پڕ رامان دا ب شانازی ڤە یادا وان دکەین و ل ئاست بەرهەمێن تەڤایا نڤیسەرێن کورد ژی ڕێزێ دگرین.
ب ڕێز و پێزانینڤە کاروانێ خەباتا پڕشەنگدارا ئێکەتییا نڤیسەرێن کورد و ڕۆلێ بلند یێ نڤیسەر و رەوشەنبیرێن مە یێن نیشتمانپەروەر دنرخینین، ئۆمێدەوارین هەر دەم سەرکەفتی بن.
مەکتەبا ڕێکخستنا پارتی ل پارێزگاھا دھۆکێ و ئیدارەیا ساربەخۆیا زاخۆ
١١ شوواتا ٢٠٢٦ ت
