بۆ: یانەیا زاخۆ یا وەرزشی⁄ جەماوەرێ دلسۆز و زیندیێ یانەیا زاخۆ.
ب هەلکەفتنا گەهشتنا یانەیا زاخۆ بۆ قوناغا پێش دوماهیا جاما یانەیێن کەنداڤی ب شانازییەکا مەزن ڤە، گەرمترین پیرۆزباهیان ئاراستەی دەستەیا کارگێری، تەڤایا یاریزانان و جەماوەرێ دلسۆزێ یانا زاخۆ دکەین.
ئەڤ دەستکەفتە نەک تنێ سەرکەفتنەکا وەرزشییە، بەلکو سەلماندنا ئیرادە و ماندیبوونا کوڕێن خابووری یە، کو ناڤێ زاخۆ و کوردستانێ د ناڤەندێن نیڤدەولەتی دا بلند ڕاگرن.
ل ڤێرە، ب فەر دزانین ئاماژێ ب ڕۆلێ بێ وێنەیێ جەماوەرێ زاخۆ بدەین؛ ئەو جەماوەرێ کو ب دڵسۆزی و ڕەوشتێ خۆ یێ بلند، خەلاتێ باشترین جەماوەر ل سەر ئاستێ جیهانێ ژ لایێ (FIFA) ڤە وەرگرتی.
هوین ئەڤڕۆ ژی ھەڤپشکێن ڕاستەقینە یێن ڤێ سەرکەفتنێ و ب پشتەڤانیا وە یا بێ سنوور، یانا زاخۆ گەهشتە ڤێ قوناغا مێژوویی.
دەستخۆشیێ ل ھەموو لایەکێ دکەین و پشتەڤانیا خۆ یا بەردەوام بۆ گەنج و وەرزشڤانێن دەڤەرێ دوپات دکەین.
ب هیڤیا هندێ کو ب هەمان جۆش و خرۆش، جاما کەنداڤی ل زاخۆکا شەھیدان ھەمبێز بکەین.
مەکتەبا ڕێکخستنا پارتی دیموکراتی کوردستان ل پارێزگەها دهۆک و ئیدارەیا سەربەخۆیا زاخۆ
19ێ شوباتێ، 2026
