ب هەلکەفتا 8ێ ئادارێ، ڕۆژا جیهانیا ئافرەتان، مەكتەبا رێكخستنا پارێزگەها دهۆكێ، پیرۆزباهیێن خۆ ئاراستەی تەڤایا ئافرەتێن کوردستانێ، ب تایبەت ئافرەتێن سنورێ پارێزگەها دهۆكێ و ئیدارەیا سەربەخۆیا زاخۆ دکەین.

ئافرەتا کوردستانی خودان پێگەه و ڕۆلەکێ کاریگەر بوویە د بزاڤا ڕزگاریخوازیا کوردستانێ دا، ب تایبەت د شورەشا ئەیلوولا مەزن و گوڵانا پڕ دەستکەفت دا، مل ب ملێ پێشمەرگەیێ قارەمان د خەبات، تێکۆشین و بەرخودانێ دا بوویە بۆ ئازادیا گەلێ کورد و کوردستانێ.

هەروەسا هەردەم وەک دایک، پێشمەرگە و مامۆستایەکا پەروەردەکار، هێزا هاندەر و پالپشتا مۆرالێ پێشمەرگەیان بوویە و د بهێزکرنا هەستا نەتەوایەتی و نشتیمانپەروەریێ دا پێشەنگ و سیمبوول بوویە.

ئەڤرۆ ئافرەتا کورد د ژیانا خۆیا ئاسایی دا بەرهەمێ وێ خەباتێ هەلدگریت و جهێ خۆ د هەمی سێکتەرێن ژیانێ دا ڤەکریە، و د ئاڤاکرنا کوردستانێ و پەرەپێدانا بەردەوام دا ڕۆلەکێ کاریگەر دگێڕیت. وەک چەوا د دیرۆکێ دا هەبوویە، ئەڤرۆ و هەر دەم و ل هەمی جهەکێ، پارتی دێ بەردەوام پشتەڤانێ تەخا ئافرەتێن کوردستانێ بیت، ب تایبەت د شیان پێدانێ، ڕەخساندنا دەرفەتان و پشکداریپێکرنا ئافرەتێ د بوارێن سیاسی و ئیداریدا.

مەكتەبا رێكخستنا پارتی ل پارێزگەها دهۆكێ