ب ھەلکەفتا دەربازبوونا 28 سالان ل سەر دامەزراندنا سەندیکا ڕۆژنامەڤانێن کوردستانێ، مەکتەبا ڕێکخستنا پارتی دیمۆکراتی کوردستان ل بەهدینان، گەرمترین پیرۆزباھیێن خۆ ئاراستەی سەرجەم ڕۆژنامەڤان و ڕاگەهاندنکارێن کوردستانێ دکەت، ئەوێن کو هەردەم دەنگێ ڕاستیێ و ئامرازێن گەھاندنا داخوازێن گەلێ مە بووینە.

سەندیکا ڕۆژنامەڤانێن کوردستانێ ژ دەمێ دامەزراندنا خۆ و حەتا نوکە، د چوارچۆڤەیەکێ پیشەیی یێ گرنگ بوویە بۆ بەڕەڤانیکرن ژ ئازادیا ڕۆژنامەڤانی و مافێن ڕۆژنامەڤانان. هەروەسا سەرەڕای ھەمی ئاڵنگاری و بارودۆخێن کوردستان تێدا دەربازبووی، ب ڕۆلەکێ کاریگەر پشکداربوویە د پێشخستنا کارێ ڕاگەهاندنێ و جێگیرکرنا پرەنسیپێن پیشەیی و بابەتیبوونێ.

د ڤێ هەلکەفتێ دا، ب ڕێز و پێزانینەکا مەزن ڤە، جەختێ ل سەر ڕۆلێ نەتەوەیی یێ ڕۆژنامەڤانان د نیشاندان و گەھاندنا ئازارێن گەلێ مە و بەڕەڤانیکرن ژ دۆزا وی یا دادپەروەرانە و بپێشڤەبرنا بەهایێن دیمۆکراسی و ئازادیا ڕادەربڕینێ بلند دنرخینین.

هیڤیا سەرکەفتن و پێشکەفتنا بەردەوام بۆ سەندیکا ڕۆژنامەڤانێن کوردستانێ و هەمی کارمەندێن د بیاڤێ کارێ ڕاگەهاندنێ کار دکەن دخوازین.

سەربلندی بۆ شەهیدێن پەیڤا ئازاد، بژیت خەباتا گەلێ کوردستانێ.

مەکتەبا رێکخستنا پارتی دیمۆکراتی کوردستان ل بەهدینان
22ێ نیسانا 2026ێ