ب ناڤێ خودێ مەزن و دلۆڤان
ب هەلکەفتنا هاتنا جەژنا نەورۆزێ و سەرسالا نوی یا کوردی (2726)، گەرمترین و جوانترین پیرۆزباھیان ئاراستەی گەلێ جامێر وخۆڕاگرێ کوردستانی دکەین، پیرۆزباھیەکا تایبەت ل مالباتێن شەهیدێن سەربلند، پێشمەرگێن قەهرەمانێن، ھێزێن پاراستنا ئارامی و ئاسایشا کوردستانێ و هەمی تەخ و توێژێن گەلێ مە ل کوردستانێ و ل هەمی جیهانێ دکەین.

نەورۆزا ئەڤ سالە د دەمەکی دا دهێت کو دەڤەرا مە د ناڤ بارودۆخەکێ ئالۆز و ململانێن دژوار دا دەرباز دبیت، کو تێدا شەر و نەخۆشی بەرەف زێدەبوونێ دچن و ئەڤە ژی کارتێکرنێن مەترسیدار ل سەر ئارامی و سەقامگیریا ھەمی دەڤەرێ دروست دکەت.

ھەر ل دەسپێکا ڤان ئالۆزیان، کوردستان ژی ب ئاوایەکێ بەردەوام ژ لایێ گرۆپ و میلیشیایێن تیرۆریستێن ژ یاسا دەرچوو ڤە دھێتە ئارمانجکرن، ب مەرەما تێکدانا تەناهیێ و سەقامگیریا کوردستانێ، لێ ئیرادەیا نەلڤا گەلێ مە، خۆڕاگریا هێزێن پێشمەرگەی و ئێکرێزیا مە، دێ مینا سەنگەرێن ب هێز و موکومێن بەڕەڤانیێ ل هەمبەر هەمی ئاستەنگان مینن و دێ ھەمی پیلانێن نەیار و نەحەزا ژ ناڤبەن.

نەورۆز سیمولا سەرکەفتنێ یە ل سەر زۆرداریێ و دەستپێکا ژیانێ یە و ڕۆناھی و هیڤیەکا نوی ددەتە مە، کو ب گیانەکێ نیشتیمانی و بھێزکرنا تەباییێ د ناڤبەرا هەمی پێکهاتەیێن گەلێ خۆ دا بەرنگاری ھەمی ئالنگاریان ببین و ب هەڤڕای کار ژ بۆ پاراستنا ئارامیا هەرێما کوردستانێ و دەستکەفتێن گەلێ خۆ بکەین.

د ڤێ هەلکەفتنا مەزن و پیرۆز دا و ب ئیلھام وەرگرتن ژ گیانێ بەرخودانا نەورۆزێ و باوەریەکا موکوم ب ئیرادەیا گەلێ خۆ، سۆزێ ددەین کو ل سەر رێبازا بارزانیێ نەمر ل سەر خەبات و تێکۆشین و بەرەڤانیکرنێ ژ مافێن گەلێ خۆ، و پێشڤەبرنا بهايێن مرۆڤایەتیێ پێکڤەژیانا ئاشتیانە و گیانێ برایەتیێ، دابینکرنا ژیانەکا ژ ھەژی بۆ گەلێ خۆ بکەینە ئارمانجا پێشین یا خەبات وتێکۆشینا مە ھەمبەر ھەمی نەحەز و دوژمنێن تاریپەرێس.

ھیڤیدارین جەژنا نەورۆز و سەرسالا نوی یا کوردی دەسپێکەکا نوێ یا ئارامی و سەقامگیریا کوردستانێ و ھەمی دەڤەرێ بیت و گەلێ مە ب دوماھی خەون و ئارمانجێن خۆ شاد وسەرفەراز بیت.

دوبارە نەورۆز و سەرسالا نوی یا کوردی پیرۆز بیت و کوردستان ھەرا ئارام و ئاڤەدان بیت.

مەکتەبا رێکخستنا پارتی دیموکراتی کوردستان ل پارێزگەها دهۆکێ و ئیدارەیا سەربەخۆ یا زاخۆ.

20ێ ئادارا 2026 زاینی
20ێ ئادارا 2726 کوردی