ئەڤرۆ 31ێ ئادارا 2026ێ، حەفتێ و نەهـ ساڵ ب سەر سێدارەدانا پێشەوا قازی محەمەد، ئێکەم سەرۆک کۆمارێ کوردستانێ و هەر ئێک ژ محەمەد حوسێنی سەیفی قازی، وەزیرێ بەرگریێ و ئەبولقاسمێ سەدری قازی، نوینەرێ باژێرێ مەهاباد د ئەنجۆمەنێ شۆرایێ دا دەرباز دبن.

پێشەوا قازی محەمەد، کورێ قازی عەلی ژ بنەماڵەکا ناڤدارا باژێرێ مەهابادێ بوو، کو ل 1ێ گولانا 1893ێ ژ دایک ببوو. پشتی دامەزراندنا کۆمارا کوردستانێ ل مەهاباد، وەک ئێکەم سەرۆک کۆمارێ کوردستانێ دەست بکار بوو و بۆ ماوێ 11 هەیڤان رێبەریا کۆمارێ کر.

ل دیماهیێ و پشتی ژناڤچوونا کۆمارێ ب پیلانەکا نیڤدەولەتی، پێشەوا و هەڤالێن وی ژ لایێ حکومەتا پاشایەتیا ئیرانێ ڤە د دادگەهەکا سەربازی و نەیاسایی دا هاتنە دادگەهکرن. ل سپێدەیا 31-3-1947ێ، ل مەیدانا چوارچرا ل باژێرێ مەهابادێ ــ رێک ل وی جهێ کۆمار لێ هاتیە راگەهاندن ــ هەر سێ سەرکردە هاتنە سێدارەدان و گیانێ خۆ گۆری نیشتیمانی کر.

سێدارەدانا پێشەوا قازی وەکو ئێکەم سەرۆک کۆمارێ کوردستانێ زیانەکا مەزن بوو بۆ بزاڤا ڕزگاریخوازیا کوردی و تەڤایا گەلێ کوردستانێ.

بڤێ ھەلکەتنێ ب ڕێز و شانازیەکا مەزن ڤە ڕۆلێ مەزنێ بارزانیێ نەمر و جەنگاوەرێن بارزانی وەکو تاکە ھێزا بەرگریێ ژ کۆمارا کوردستانێ ب بیر دئینین و سەرێ ڕێز و نەوازشێ بۆ پێشەوا قازی و ھەڤالێن وی و تەڤایا شەھیدێن کوردستانێ و سەرکاروانێ شەھیدان بارزانیێ نەمر و کاک ئیدریسێ ھەردەم ساخ دچەمینین.

ھەر بەرز و بلند بیت ئالایێ کوردستانێ و کوردستان ھەرا ئارام و ئاڤەدان بیت.

مەکتەبا رێکخستنا PDK ل پارێزگەها دهۆکێ