ل ڕۆژەکا وەکی ئەڤرۆ، ل 20ێ گولانا سالا 1962ێ، سەرۆک مەسعود بارزانی پەیوەندی ب ڕێزێن شۆڕەشا مەزنا ئەیلوولێ دکەت و چەکێ شەرەفێ هەلدگرت و دبیتە پێشمەرگە و بەرەڤانکار ژ ماف، ئازادی و کەرامەتا گەلێ کوردستانێ.
ئەڤ ڕۆژە، دەستپێکا وەرچەرخانەیەکا دیرۆکی بوو، د ڕێڕەوا خەباتەکا دوورودرێژ و تژی بەخشین و قوربانیدان، پێخەمەت دۆزا ڕەوا یا گەلێ کوردستانێ.
سەرۆک مەسعود بارزانی ل بارزانا لاندکا شێران د ھەمبێزا مالباتەکا خەباتکەر، شۆڕشگێڕ و قارەمان دا مەزن دبیت، و ل سەر دەستێ ڕێبەرێ نەمر مستەفا بارزانی فێری وانەیێن مرۆڤایەتیێ و نیشتیمانپەروەریێ دبیت، لەوما دشەڕگەھا ژیێ خۆدا، دبیتە پشکەکا ڕەسەن ژ بزاڤا ڕزگاریخوازییا گەلێ کوردستانێ و پشکداریەکا کارا د قۆناغێن جودایێن خەباتا نیشتیمانی دا دکەت.
سەرۆک بارزانی د درێژاهیا کاروانێ خۆ یێ خەباتێ دا، ڕۆلەکێ سەرەکی و کاریگەر د سەرکێشیا بزاڤا ڕزگاریخوازییا گەلێ کوردستانێ دا دگێڕیت و پشکداریێ د داستان و شەڕێن شۆڕشا ئەیلوولێ دا دکەت.
پشتی ڕێکەفتنا خیانەتکاریا جەزائیر ل سالا 1975ێ ژی، بەردەوامیێ ب کاروانێ خەباتێ ددەت، و ڕاستەوخۆ پشکداریێ د ڕێکخستنا ڕێزێن شۆڕشا گولانێ و ھێزێن پێشمەرگەی دا دکەت. هەروەسا ڕۆلەکێ دیار و بەرچاڤ د سەرکردایەتیکرنا ڕاپەڕینا گەلێ کوردستانێ دا ل سالا 1991ێ، جێگیرکرنا ئەزموونا حوکمڕانیا نیشتیمانی و دامەزراوەیێن دەستووری ل هەرێما کوردستانێ دگێڕیت.
ل پال هەلوێستێن وی یێن نەگۆڕ د پاراستنا ئەزموونا دیموکراسی و ڕووبەڕووبوونا تیرۆر و توندڕەویێ دا، نەخاسمە د شکاندنا گڕۆپێ تیرۆرستیێ داعش و ئازادکرنا شنگاڵێ و خوشک و برایێن کوردێن ئێزدی دا،
ئامادەبوونا سیاسی و نیشتیمانیا سەرۆک بارزانی فاکتەرەکێ بنەرەتی بوو، بۆ بەرەڤانیکرن ژ مافێن گەلێ کوردستانێ و جێگیرکرنا پرەنسیپێن ههڤپشکی، پێکڤەژیان و ئاشتییا جڤاکی ل عێراقا فیدرال.
سەرۆک بارزانی تاکە سەرکردە بوویە ب باوەری، ڕووبڕووی ئێرادەیا سەپێنەرا دوژمن و نەیار و نەحەزێن گەلێ کوردستانێ بوویە و بۆ جارا ئێکێ د دیرۆکا ھەڤچەرخا گەلێ کوردستانێ دا، سەرکێشیا پڕۆسەیا ڕیفڕاندۆما سەربەخۆیا کوردستانێ کریە.
سەرۆک بارزانی د چارچۆڤێ باوەری و پێگیریا خۆ ب پرەنسیپ وبنەمایێن ڕێبازا پیرۆزا بارزانی و باوەریا وی یا رەھا ڕەوایەتیا دۆزا گەلێ کورد، ڕۆلەکێ مەزن د پێشڤەبرن و چارەسەرکرنا ئاشتیانە یا دۆزا گەلێ کوردستانێ ل بەشێن دی یێن کوردستانێ دگێڕیت، چ ل سەر ئاستێ پرۆسەیا ئاشتیێ ل باکوورێ کوردستانێ، چ ژی ژ لایێ پشتەڤانیا سیاسی، ئابۆری و ئاشتیا ناڤخۆیی ل ڕۆژائاڤایێ کوردستانێ.
ھەلۆیستێن نەتەوەیی و نەگۆڕێن سەڕۆک بارزانی و باوەری و ڕاوەستیانا گەلێ کوردستانێ ل پشت ھەڵویست و بڕیارێن وی جیھان نەچارکر، کو ل سەر ئاستێ ھەرێمی و نیڤدەولەتی وەکو سەرۆک و لێڤەگەڕێ گەلێ کوردستانێ بھێتە دیتن.
دەما ئەم ل مەکتەبا ڕێکخستنا پارتی دیموکراتی کوردستان ل بەهدینان، ڤێ هەلکەفتا نیشتیمانی یا مەزن، ب بیردئینێن، د ھەمان دەم دا تەکەزێ ل سەر هندێ دکەین، کو کاروانێ خەباتا سەرۆک مەسعود بارزانی یێ بەردەوامە و دێ بیتە ڕۆناھی، کانیا ئیلهامێ، سیمبولا خۆڕاگری، دڵسۆزی و وەفاداریێ بۆ گەلێ کوردستانێ.
سڵاڤ ل 64 سالێن خەباتا بێ ڕاوەستیانا سەرۆک بارزانی.
سڵاڤ ل سەرۆکێ پێشمەرگە.
کوردستان ب سایا ڕێبەری و لێڤەگەریا سەرۆکێ خۆ ھەردەم یا ئارام و ئاڤەدان بیت.
مەکتەبا ڕێکخستنا پارتی دیموکراتی کوردستان ل بەهدینان
20ێ گولانا 2026ێ
