ب ناڤێ خودایێ مەزن و دلۆڤان, ب هەلکەفتنا هاتنا جەژنا قوربانێ یا پیرۆز، بناڤێ مەکتەبا ڕێکخستنا پارتی دیموکراتی کوردستان ل بەهدینان، گەرمترین پیرۆزباهیان، ئاراستەیێ گەلێ کوردستانێ ب گشتی، و وەلاتیێن دەڤەرا بەهدینان ب تایبەتی دکەین. هەروەسا پیرۆزباهیەکا گەرم ئاراستە لێڤەگەڕێ گەلێ کوردستانێ جەنابێ سەرۆک بارزانی، مالباتێن سەربلندێن شەهیدان پێشمەرگەیێن قەھرەمان و تەڤایا ھێزێن پاراستنا ئارامی و ئاسایشا کوردستانێ دکەین. خودایێ مەزن و دلۆڤان ڤێ جەژنا پیرۆز ب خۆشی، ئاشتیێ و ئارامی د سەر گەلێ مەدا دەرباز بکەت.
جەژنا قوربانێ، گوزارشێ ژ بهایێن پیرۆزێن مرۆڤایەتیێ، لێبوورینێ، برایەتیێ و پێکڤەژیانا ئاشتیانە دناڤبەرا تەڤایا پێکھاتەیێن جڤاکێ کوردستانێ دکەت، کو گەلێ مە د کاروانێ خەبات و تێکۆشانا خۆ دا قوربانیەکا مەزن بۆ دایە.
د ڤی دەمێ ئەم پێشوازیێ ل ڤێ جەژنا پیرۆز دکەین، دەڤەرا ڕۆژھەلاتا ناڤین ب گشتی، و ھەرێما کوردستانێ ب تایبەتی ل ھەمبەر ئالنگاریێن مەزن دایە، لەوما ئەم ڤێ ھەلکەفتێ ب دەرفەت دزانین کو جارەکا دی، تەکەزێ ل سەر تەبایێ و پێکڤە کارکرنێ و هەڤدوو قەبۆلکرنێ دکەین، ژ بۆ پاراستنا هەرێما کوردستانێ و قەوارێ وێ یێ سیاسی، داخوازا کاراکرنا هەمی سازیێن شەرعی و دستووری یێن هەرێما کوردستانێ دکەین.
دوبارە جەژنا ھەموو لایەکێ پیرۆز بیت و کوردستان ھەرا ئارام و ئاڤەدان بیت.
مەکتەبا ڕێکخستنا پارتی دیموکراتی کوردستان ل بەهدینان
26ێ گولانا 2026ێ
