ب ناڤێ خودێ یێ مەزن و دلۆڤان، ب هەلکەفتنا 64 سالیا دامەزراندنا ئێکەتیا مامۆستایێن کوردستانێ، گەرمترین و جوانترین پیرۆزباهیان ئاراستەی سەرۆک، دەستەیا کارگێڕی و تەڤایا ئەندامێن ئێکەتیا مامۆستایێن کوردستانێ دکەین. پیرۆزباهیەکا تایبەت ئاراستەیی تەڤایا مامۆستایێن کوردستانێ دکەین، نەخاسمە مامۆستایێن دڵسۆز و خۆڕاگرێن دەڤەرا بەهدینان.
ئێکەتیا مامۆستایێن کوردستانێ ب درێژاهیا دیرۆکا خۆ، قوتابخانەیەکا نیشتیمانی و ڕەوشەنبیری و ناڤەندەکا گرنگا زانستی بوویە. ڕۆلەکێ بەرچاڤ و مێژوویی د چەسپاندنا بهایێن زانینێ و ناسنامەیا نەتەوەیی دا گێڕایە.
مامۆستایێن مە د سەخترین بارودۆخێن سیاسی و ئابووری دا، چ ل سەردەمێ شۆڕشێ و ئاوارەیی و ژیانا کەمپێن زۆرەمللی، یان ل سالێن نۆتان و ل ژێر گوشارا مەزنا ژیانێ دا، چ ژی ل سەڕدەمێ بڕینا مووچە و شایستەیێن دارایی ژ لایێ حکومەتا عێراقا فیدرال ڤە، ب ئیرادەیەکا پۆڵاین ڕێ نەدا پرۆسەیا پەروەردێ ڕاوەستیت، ب دڵسۆزی بوونە هەلگرێن مەشخەلا ڕۆناهیێ و پشکداری د پەروەردەکرنا قوتابیێن کوردستانێ دا کر.
ئەم وەک مەکتەبا ڕێکخستنا پارتی دیموکراتی کوردستان ل بەهدینان، د ڤێ هەلکەفتا پڕ بها دا، دوپات دکەینەڤە کو هەردەم پشتەڤانێ سەرەکیێ مافێن ڕەوایێن مامۆستایێن خۆ بین. ب ئەرکێ خۆ یێ نیشتیمانی دزانین کو خەباتێ بۆ دابینکرنا ژیانەکا شایستە ژ هەژی هەوە مسوگەر بکەین، ب ئاوایەکی کو هەڤسەنگ بیت دگەل وان قوربانیێن مەزن یێن مامۆستایێن کوردستانێ د پێخەمەت ئاڤاکرنا مرۆڤ و پاراستنا جڤاکێ کوردستانێ دا داین.
هیڤیا پێشکەفتن و سەرکەفتنا بەردەوام بۆ ئێکەتیا مامۆستایێن کوردستانێ د بجهئینانا پەیاما وان یا پیرۆز دا دخوازین.
دوبارە ساڵڤەگەڕا دامەزراندنا ئێکەتیا مامۆستایێن کوردستانێ پیرۆز بیت و کوردستان ھەر ئارام و ئاڤەدان بیت.
مەکتەبا ڕێکخستنا پارتی دیموکراتی کوردستان ل بەهدینان
15ێ گولانا 2026ێ
